ابوظبی: اسلام آباد یونائیٹڈ کے کپتان شاداب خان نے پلے آف کے دونوں میچز میں ناقص کارکردگی پر اپنی ٹیم کے مداحوں سے معافی مانگ لی ہے۔
کپتان شاداب خان نے پشاور زلمی سے ایلیمنیٹر ٹو میں ناکامی کے بعد کہا کہ پلے آف کے دونوں میچز میں ہم بلے بازی میں اپنا ردھم برقرار نہیں رکھ پائے، ہم سے دباؤ کی صورتحال میں بہتر کھیلا ہی نہیں گیا، اہم ترین میچز میں کھلاڑیوں کو اعصاب قابو میں رکھنے کی ضرورت تھی۔
شاداب خان نے کہا کہ بڑے میچ میں یہ کافی مشکل ہوتا ہے، ایلیمینٹر کے دونوں میچز میں ہم صورتحال کو اپنے حق میں استعمال نہیں کرسکے، حسن علی کی بیٹنگ ہمیں میچ میں لے آئی تھی مگر چھوٹی غلطیاں بھاری پڑگئیں، اگر ہم شروع میں ہی زازئی کا کیچ تھام لیتے تو کھیل کا منظر الگ قسم کا ہوسکتا تھا۔
I would like to thank all @IsbUnited fans. I know my performance in the last game wasn’t up to the mark. I will try my best to bounce back. Thank you @AliNaqvi808 , @johan_botha, @Rehan_ulhaq, @mediagag and the entire team for trusting me. This is a great franchise
— Shadab Khan (@76Shadabkhan) June 23, 2021
اسلام آباد یونائیٹڈ کے کپتان نے اعتراف کیا کہ ہم نے آٹھ لیگ میچز جیتے مگر ان دو پریشر میچز میں ویسا پرفارم نہیں کرپائے جیسا کرنا چاہیے تھا، ہم اپنے شائقین سے معذرت خواہ ہیں، اگلے سیزن میں چیمپئن بننے کی پوری کوشش کریں گے۔
واضح رہے کہ اسلام آباد یونائیٹڈ نے پاکستان سپر لیگ 6 کے لیگ میچز میں اچھی کارکردگی دکھائی، گروپ میچز میں 10 میں سے 8 میں فتوحات حاصل کیں اور پوائنٹس ٹیبل پر سر فہرست رہے لیکن پلے آف مرحلے میں ہتھیار ڈال دیئے۔
We finished bottom last season but topped the group stage with a record 8 wins this season. That is the character of this franchise. We keep fighting and #UnitedWeWin. Congrats @MultanSultans and @PeshawarZalmi. Both played really well to reach the final. May it be a great game
— Shadab Khan (@76Shadabkhan) June 23, 2021
