The news is by your side.

Advertisement

اسلام آباد یونائیٹڈ کا مصباح کے معاہدے میں توسیع نہ کرنے کا اعلان

کراچی: پاکستان سپر لیگ (پی ایس ایل )کی ٹیم اسلام آباد یونائیٹڈ نے مصباح الحق کے معاہدے میں توسیع نہ کرنے کا اعلان کردیا۔

تفصیلات کے مطابق پی ایس ایل کی ٹیم اسلام آباد یونائیٹڈ کی انتظامیہ نے سماجی رابطے کی ویب سائٹ ٹویٹر پر مصباح الحق کی کوچنگ میں توسیع نہ کرنے کا اعلان کیا۔

اسلام آباد یونائیٹڈ انتظامیہ نے مصباح الحق کی تصویر شیئر کرتے ہوئے لکھا کہ ’مصباح کے معاہدے میں توسیع نہیں کی جارہی تاہم ان کے لیے نیک خواہشات ہیں اور ان کے بہتر مستقبل کے لیے دعاگو ہیں۔‘

ٹیم مالک علی نقوی نے ایک بیان میں کہا کہ ایونٹ میں مصباح کی کمی محسوس ہوگی لیکن ہم پی سی بی کے نئے قواعد و قانون کا احترام کرتے ہیں۔

مصباح الحق نے بھی ٹویٹ کے ذریعے اسلام آباد یونائیٹڈ کا شکریہ ادا کیا، انہوں نے پی ایس ایل 6 میں ٹیم کے لیے نیک خواہشات کا اظہار بھی کیا۔

واضح رہے کہ مصباح الحق پی ایس ایل ون سے اسلام آباد یونائیٹڈ کے ساتھ منسلک رہے، چیف سلیکٹر کے بعد یہ دوسرا عہدہ ہے جس سے مصباح فارغ ہوئے ہیں۔

یاد رہے کہ مصباح الحق نے 2016 سے 2018 تک اسلام آباد یونائیٹڈ کی کپتانی کی، ان کی قیادت میں یونائیٹڈ نے دو مرتبہ ٹائٹل اپنے نام کیا۔

Comments

یہ بھی پڑھیں