کراچی: اسلام آباد یونائیٹڈ اور کوئٹہ گلیڈی ایٹرز کا آج ہونے والا میچ ملتوی کردیا گیا، اسلام آباد یونائیٹڈ کے آسٹریلوی کھلاڑی فواد احمد کا کورونا ٹٰیسٹ مثبت آیا تھا۔
اے آر وائی نیوز کی رپورٹ کے مطابق اسلام آباد یونائیٹڈ کے آسٹریلوی کھلاڑی فواد احمد کا کورونا ٹیسٹ مثبت آنے کے بعد کوئٹہ گلیڈی ایٹرز اور اسلام آباد یونائیٹڈ کا میچ کل تک کے لیے ملتوی کردیا گیا ہے، دونوں ٹیموں کے درمیان میچ کل شام 7 بجے کھیلا جائے گا۔
The #HBLPSL6 match between Team @TeamQuetta & @IsbUnited match has been rescheduled to Tuesday, 2 March, at 7pm PKT.
More details to follow shortly. #HBLPSL6 #IUvQG
— PakistanSuperLeague (@thePSLt20) March 1, 2021
پاکستان کرکٹ بورڈ کا کہنا ہے کہ شائقین آج کا ٹکٹ کل استعمال کرسکتے ہیں اور ٹکٹ کو ری فنڈ بھی کراسکتے ہیں۔
پاکستانی نژاد آسٹریلوی اسپنر نے کورونا ٹیسٹ مثبت آنے پر سماجی رابطے کی ویب سائٹ ٹویٹر پر مداحوں سے دعاؤں میں یاد رکھنے کی درخواست کی۔
فواد احمد نے لکھا کہ کورونا سے خود بھی محفوظ رہیں، دوسروں کو بھی محفوظ رکھیں۔
اس سے قبل پی سی بی کا کہنا تھا کہ مذکورہ کھلاڑی میں 2 روز قبل کورونا وائرس کی علامات ظاہر ہوئی تھیں جس پر اس کھلاڑی کو فوری طور پر آئسولیٹ کردیا گیا تھا۔
