اسلام آباد میں غیرملکی خاتون پر پولیس اہلکاروں کے مبینہ تشدد کی ویڈیو سامنے آگئی

اسلام آباد میں غیرملکی خاتون پر خواتین پولیس اہلکاروں کے مبینہ طور پر تشدد کا نشانہ بنا دیا ہے۔

اے آر وائی نیوز کے مطابق اسلام آباد میں غیرملکی خاتون کے شور، پولیس پر الزامات اور مبینہ تشدد کا نشانہ بنانے کی ویڈیو سامنے آگئی ہے۔

غیرملکی خاتون نے الزام لگایا کہ خواتین پولیس اہلکاروں نے تھانہ کوہسار میں تشدد کا نشانہ بنایا ہے۔

ذرائع کے مطابق غیرملکی خاتون نے لین دین معاملے پر پولیس کو خود سیکٹر ایف سکس بلایا تھا، پولیس نے داد رسی کے بجائے مبینہ طور پر تشدد کا نشانہ بنایا۔

ویڈیو میں خواتین اہلکاروں کو غیرملکی خاتون سے بدتمیزی کرتے دیکھا جاسکتا ہے جبکہ غیرملکی خاتون کہہ رہی ہے کہ مجھے پولیس مار رہی ہے میری مدد کریں۔

بعدازاں سوشل میڈیا پر زیر گردش ویڈیو پر ایس ایس پی آپریشنز نے نوٹس لے لیا اور ایس ڈی پی او کوہار کو انکوائری کی ہدایت کردی ہے۔

ترجمان پولیس کا کہنا ہے کہ ابتدائی معلومات کے مطابق معاملہ سول نوعیت کا لگتا ہے، افہام و تفہیم سے مسئلہ حل کرنے کی کوشش کی جائے گی۔

اسلام آباد میں غیرملکی خاتون پر خواتین پولیس اہلکاروں کے مبینہ تشدد کی ویڈیو سامنے آگئی