لندن/برسلز : برطانوی خفیہ ایجنسی ایم آئی 5 کے سربراہ اینڈریو پارکر نے خبردار کیا ہے کہ داعش مشرق وسطیٰ میں ناکامی کے بعد یورپ میں مزید تباہ کن حملے کرسکتی ہے۔
تفصیلات کے مطابق برطانیہ کی خفیہ ایجنسی ایم آئی 5 کے سربراہ نے خبردار کیا ہے کہ عالمی دہشت گرد تنظیم داعش مشرق وسطیٰ میں اپنی ناکامی کے بعد یورپ میں مزید تباہ کن حملے کرنے کی خواہش مند ہے۔
غیر ملکی خبر رساں ادارے کا کہنا ہے کہ برطانوی ایجنسی ایم آئی 5 کے ڈائریکٹر جنرل اینڈریو پارکر نے یورپین یونین کے سیکیورٹی چیف سے میٹینگ کرتے ہوئے داعش کے خطرے سے خبردار کیا ہے۔
غیر ملکی خبر رساں ادارے کا کہنا ہے کہ ڈائریکٹر جنرل نے دوران میٹینگ سالسبری میں سابق روسی جاسوس پر اعصاب شکن کیمیل کے حملے کی مذمت کرتا ہوں۔
اینڈریو پارکر کا کہنا تھا کہ ہم برطانیہ میں سنہ 2017 ویسٹ مینسٹر میں ہونے والے حملے کے بعد سے اب تک 12 دہشت گرد حملوں کو ناکام بناچکے ہیں۔
لندن : دہشت گرد حملوں میں‘7افراد ہلاک‘متعدد زخمی
برطانوی خبر رساں ادارے کا کہنا ہے کہ ایم آئی 5 کے سربراہ نے یہ خطاب پیرس میں ہونے والے چاقو بردار شخص کے حملے کے بعد کی تھی، جس کی ذمہ داری عالمی دہشت گرد تنظیم داعش قبول کرچکی ہے۔
اینڈریو پارکر کا کہنا تھا کہ برطانیہ نے گذستہ سال دسمبر میں برطانوی پولیس اور خفیہ اداروں کے دفتروں پر 9 دہشت گرد حملوں کو کامیاب ہونے سے روکا ہے۔
لندن کی زیر زمین ٹرین میں دھماکہ، متعدد زخمی
یورپی یونین کی سیکیورٹی چیف سے ملاقات کے دوران ان کا کہنا تھا کہ ’ہمیں خود پر پورا یقین ہے کہ ہم داعش کے حملوں کو روک سکتے ہیں، ہمارے جمہوری نظام میں دفاع کی صلاحیت موجود ہے‘۔
برطانوی خیفہ ایجنسی کے سربراہ نے یورپی خفیہ ایجنسیوں کا مینچسٹر میں ہونے والے دھماکے کی تحقیقات میں مدد فراہم کرنے پر شکریہ ادا کرتے ہوئے کہا کہ یورپی خفیہ ایجنسیاں ہمارے ساتھ داعش کے خلاف آپریشن میں مزید تعاون کریں۔
خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔
