The news is by your side.

Advertisement

مدینہ منورہ میں ثقافتی میلہ، پاکستان بدستور پہلی پوزیشن پر برقرار

مدینہ منورہ : سعودی عرب میں مدینہ اسلامک یونی ورسٹی میں منعقد ہونے والہ ثقافتی میلہ میں پاکستان نے بدستور پہلی پوزیشن برقرار رکھی۔

تفصیلات کے مطابق مدینہ منورہ میں قائم اسلامک یونی ورسٹی میں اس سال بھی ساتواں ثقافتی میلہ سجایا گیا، گورنر مدینہ منورہ شہزادہ فیصل بن سلمان نے ثقافتی میلے کا افتتاح کردیا، میلہ 10روز تک جاری رہیگا۔

میلے میں مسلم ممالک کے علاوہ امریکہ، اسپین اور دیگر ممالک نے بھی اپنے اسٹال لگائے، جس میں طلباء نے بڑی مہارت کے ساتھ اسٹالوں کو اپنے اپنے ممالک کے ثقافتی رنگوں سے بھر دیا، جس سے قدیم اور دور حاضر کے تمام رنگ نمایاں ہوئے جبکہ نمائش دیکھنے والے دیگر ممالک کی تہذیب و ثقافت سے بھی روشناس ہوتے رہے۔

پاکستانی اسٹال خاص طور پر توجہ کا مرکز بنا رہا، جس پر پاکستانی ثقافت کے تمام رنگ نمایاں رہے تاہم لوگوں کی بڑی تعداد نے پاکستانی ہینڈی کرافٹ کو خوب پسند کیا۔


مدینہ یونیورسٹی کے احکام کی جانب سے پاکستانی طلباء کو انعامات سے بھی نوازا گیا۔

واضح رہے جامعہ اسلامیہ مدینہ منورہ میں ہرسال عالمی ثقافتی میلے کا انعقاد کیا جاتا ہے، جس میں جامعہ میں زیر تعلیم طلباء اپنے اپنے ملکوں کی ثقافت کو اجاگر کرتے ہیں۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

comments

یہ بھی پڑھیں