واشنگٹن : ترجمان وائٹ ہاؤس نے حماس رہنما اسماعیل ہنیہ کی شہادت پر فوری تبصرے سے گریز کیا۔
تفصیلات کے مطابق وائٹ ہاؤس حماس کے ترجمان نے رہنما اسماعیل ہنیہ کی شہادت پر فوری تبصرے سے گریز کرتے ہوئے کہا کہ حماس رہنما کونشانہ بنانےکی خبروں سے آگاہ ہیں۔
یاد رہے حماس کے سربراہ کو ایران کے شہر تہران میں شہید کر دیا گیا، ایرانی ٹی وی کے مطابق ان کی رہائش گاہ کو علی الصبح نشانہ بنایا گیا، حملے میں ان کا ایک محافظ بھی شہید ہوا۔
حماس نے سربراہ کی شہادت کی تصدیق کرتے ہوئے کہا تھا ان کے سربراہ اسرائیلی حملے میں شہید ہوئے، وہ ان دنوں ایران کے صدرکی تقریب حلف برداری میں شرکت کے لئے ایران میں مقیم تھے۔
واضح رہے غزہ جنگ کے دوران حماس کے سربراہ کے خاندان کے درجنوں افراد شہید ہوچکے ہیں، جن میں انکے بھائی بیٹے بہو پوتے پوتیاں بھی شامل ہیں۔
