The news is by your side.

Advertisement

آرمی میڈیکل کالج راول پنڈی کے کانووکیشن میں آرمی چیف کی بہ طور مہمان خصوصی شرکت

راول پنڈی: آرمی میڈیکل کالج راولپنڈی میں کانووکیشن منعقد ہوا، جس کے مہمان خصوصی آرمی چیف جنرل قمر جاوید باجوہ تھے.

پاک فوج کے شعبہ برائے تعلقات عامہ (آئی ایس پی آر) کے مطابق جنرل قمر جاوید باجوہ نے آرمی میڈیکل کالج راولپنڈی میں بہ طور مہمان خصوصی شرکت کی.

آئی ایس پی آر کے مطابق کانووکیشن میں‌آرمی چیف نے ڈاکٹر تیمیہ اعجاز کو بہترین کارکردگی پرگولڈ میڈل دیا، جب کہ ڈاکٹرزنیرہ سعید نے صدارتی گولڈ میڈل حاصل کیا.

تقریب میں کیپٹن محمد شعیب کو بہترین ملٹری کیڈٹ کا گولڈ میڈل دیا گیا.

آئی ایس پی آر کے مطابق آرمی چیف نے فارغ التحصیل طلبا کے بہتر مستقبل کے لئے نیک خواہشات کا اظہار کیا.

اس موقع پر آرمی چیف نے معیاری تعلیم کی فراہمی پرآرمی میڈیکل کالج کے کردارکی تعریف کی. تقریب میں طلبا کے والدین، حاضرو ریٹائرڈ فوجی افسران نے بڑی تعداد میں شرکت کی.

 یاد رہے کہ گذشتہ روز جی ایچ کیو راولپنڈی میں آرمی چیف جنرل قمر جاوید باجوہ کی صدارت میں پاک فوج کے پروموشن بورڈ کا اجلاس منعقد ہوا تھا۔

اجلاس میں فوج کے 987 افسروں کی ترقی سے متعلق امور زیرِ غور آئے، نیز فوج کے 37 بریگیڈیئرزکو میجر جنرل کےعہدے پر ترقی دے دی گئی تھی۔


آرمی چیف کی زیرِ صدارت پروموشن بورڈ کا اجلاس، 37 بریگیڈیئرز کی میجر جنرل کےعہدے پر ترقی


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں