The news is by your side.

Advertisement

جشن آزادی پر پاک مسلح افواج کے افسران میں اعزازات کی تقسیم کی پروقار تقریب

راولپنڈی : یوم آزادی اور یوم یکجہتی کے موقع پر مسلح افواج کے ہیروز کو اعزازات سے نوازا گیا، صدر مملکت نے ایک ستارہ جرات، دو تمغہ جرات، 8 ستارہ بسالت، 88تمغہ بسالت اور 94 امتیازی اسناد دیں۔

تفصیلات کے مطابق رواں سال فروری میں بھارتی طیارے گرانے والے ونگ کمانڈر نعمان علی کو ستارہ جرات اور سکواڈرن لیڈر حسن محمود صدیقی کو تمغہ جرات سے نوازا گیا ہے۔

پاک فوج کے شعبہ تعلقات عامہ آئی ایس پی آر کی جانب سے جاری بیان میں کہا گیا ہے کہ صدر مملکت ڈاکٹر عارف علوی کی جانب سے یوم آزادی و یوم یکجہتی کشمیر پر مسلح افواج کے جوانوں اور افسروں کو اعزازات سے نوازا گیا۔

ونگ کمانڈر نعمان علی نے ابھی نندن کے بھارتی مگ21کو نشانہ بنایا تھا جبکہ اسکواڈرن لیڈر حسن محمود صدیقی نے بھارتی جیٹ گرایا جو مقبوضہ کشمیر میں گرا تھا، تمغہ جرات پانے والوں میں دیگر دوافسران جبکہ8 کو ستارہ بسالت سے نوازا گیا، 88کوتمغہ بسالت،94کوامتیازی سند،113کو آرمی چیف تہنیتی کارڈ سے نوازا گیا۔

صدر مملکت ڈاکٹر عارف علوی نے مسلح افواج کے ہیروز کوا عزازات دیئے، اس کے علاوہ کرنل محمد شفیق ملک کو انفارمیشن ڈومین میں بہترین کارکردگی پر اعزازی سند سےنوازا گیا۔

واضح رہے کہ ڈی جی آئی ایس پی آر کی کامیاب میڈیا مہم کا بھارتی جنرل نے بھی اعتراف کیا تھا، مسلح افواج نے بھارتی جارحیت کا منہ توڑ جواب دے کر انہیں شکست فاش سے دوچار کیا۔

ایل اوسی ہو ، فضائی، بحری محاذ یا پھر عالمی رائے عامہ کو آگاہی کا معاملہ ہو، بھارت ہر سطح پر ناکام ہوا تھا۔ صدر مملکت ڈاکٹر عارف علوی نے 23افسران کو ہلال امتیاز ملٹری،112کو ستارہ امتیاز ملٹری اور137افسران کو تمغہ امتیاز ملٹری دیئے
آئی ایس پی آر کے مطابق شہداء کے اعزازات ان کے لواحقین نے وصول کئے۔

Comments

comments

یہ بھی پڑھیں