site
stats
پاکستان

بھارت کی لائن آف کنٹرول پر فائرنگ‘ دو خواتین‘ ایک شہری زخمی

ispr

راولپنڈی: بھارتی فورسز نے ایک بار پھر لائن آف کنٹرول پر بلاشبہ فائرنگ کرکے شہری آبادی کو نشانہ بنایا ہے‘ بھارت کی فائر نگ سے دو خواتین اور ایک شہری زخمی ہوا ہے۔

پاک فوج کے شعبہ نشرو اشاعت کے مطابق بھارتی فورسز نے آج بروز اتوار لائن آف کنٹرول پر واقع بٹل‘ گرم چشمہ اور کھوئی رتہ سیکٹر میں بلا اشتعال فائرنگ کی جس میں شہری آبادی کو نشانہ بنایا گیا۔

بھارتی فائرنگ کے نتیجے میں دو خواتین اور ایک شخص زخمی ہوا ہے۔ زخمی ہونے والی خواتین کی عمریں 36 سال ( مسز نگینہ ) اور 24 سال (صبا آزاد) بتائیں گئی ہیں۔

آئی ایس پی آر کا کہنا ہے کہ پاک فوج کے جوانوں نے بھارتی فائرنگ کا منہ توڑ جواب دیتے ہوئے بھارتی چیک پوسٹوں کو نشانہ بنا یا جس میں بھارتی افواج کا بھاری نقصان ہونے کی اطلاعات موصول ہوئی ہیں۔

ایل او سی پر بھارتی اشتعال انگیزی، تین فوجی شہید

یاد رہے کہ نئے سال کے آغاز سے بھارتی افواج کی جانب سے لائن آف کنٹرول پر بلا سبب فائرنگ کا جاری ہے ‘ گزشتہ ماہ جنوری میں متعدد بار شہری آبادی کو فائرنگ کا نشانہ بنا یا گیا جس میں شہادتیں ہوئیں جبکہ متعدد شہری زخمی بھی ہوئے ۔

پاکستان کی قید میں موجود بھارتی ایجنٹ کلبھوشن یادو کی اہلِ خانہ سے ملاقات کے موقع پر بھی بھارت نے بلا اشتعال فائرنگ کی جس میں پاک فوج کے تین جوان بھی شہید ہوئے۔

بھارتی تسلط کے خلاف پاکستان میں منائے جانے والے یومِ یکجہتی کشمیر کی سشب بھارتی فور سز نے لائن آف کنٹرول پر واقع نیزہ پیر اور راولاکوٹ سیکٹر میں گزشتہ شب شہری آباد ی پر بلااشتعال فائرنگ اور گولہ باری کی تھی جس کے نتیجے میں ایک شہری شہید ہوگیا جبکہ دو بچے زخمی ہوگئے تھے۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات  کو زیادہ سے زیادہ لوگوں تک پہچانے کےلیے سوشل میڈیا پرشیئر کریں

Print Friendly, PDF & Email
20

Comments

comments

loading...

Most Popular

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top