تازہ ترین

یوم پاکستان: آئی ایس پی آر کا نیا پرومو جاری

راولپنڈی : آئی ایس پی آر نے یومِ پاکستان کی مناسبت سے نیا پرومو جاری کردیا ہے،پرومو میں قائد کی پاکستان حاصل کرنےکیلئےدی جانےوالی قربانیوں کاپیغام ہے۔

تفصیلات کے مطابق پاک فوج کے شعبہ تعلقات عامہ (آئی ایس پی آر) نے یومِ پاکستان کی مناسبت سے ایک اور نیا پرومو جاری کیا ہے، پرومو میں یوم پاکستان کےحوالے سے ایک قوم ایک منزل کو اجاگر کیا گیا ہے۔

پرومو میں قائد کی پاکستان حاصل کرنےکیلئےدی جانےوالی قربانیوں کاپیغام ہے اور پاکستانی قوم کےعزم اور حوصلےکو بیان کیاگیاہے، پرومو میں دکھایا گیا ہے کہ متحدہوکرپاکستانیوں نے ہرچیلنج کا مقابلہ کیاہے۔

خیال رہے “یوم پاکستان” پاکستان کی تاریخ کا بہت اہم دن ہے، اس دن قرارداد پاکستان پیش کی گئی تھی، جس کی بنیاد پر مسلم لیگ نے برصغیر میں مسلمانوں کے جدا وطن کے حصول کے لیے تحریک شروع کی تھی اور سات برس کے بعد اپنا مطالبہ منظور کرانے میں کامیاب رہی۔وہ مطالبہ جو اسلامی جمہوریۂ پاکستان کے نام سے دنیا کے نقشے پر ابھرا۔

یہ بھی پڑھیں: ‘ ایک قوم ایک منزل’ آئی ایس پی آر کا یومِ پاکستان کی مناسبت سے پرومو جاری

اس دن کی ایک اور خصوصیت یہ بھی ہے کہ 23 مارچ 1956 کو پاکستان کا پہلا آئین کو اپنایا گیا جس میں مملکتِ پاکستان کو دنیا کا پہلااسلامی جمہوری ملک قراردیا گیا۔

یوم پاکستان کو منانے کیلئے ہرسال 23 مارچ کو خصوصی تقریب کا اہتمام کیا جاتا ہے جس میں پاکستان مسلح افواج پریڈ بھی کرتے ہیں۔

Comments

- Advertisement -