The news is by your side.

Advertisement

بلوچستان میں پاک فوج کی کارروائی، بھاری تعداد میں‌ گولہ بارود برآمد

راولپنڈی: آپریشن رد الفساد کے تحت ملک بھر میں دہشت گردوں کے خلاف کامیاب کارروائیوں کا سلسلہ جاری ہے۔ بلوچستان میں پاک فوج کے جوانوں نے کامیاب کارروائی کرتے ہوئے بھاری تعداد میں‌ گولہ بارود سمیت دیگر تخریب کاری کا سامان تحویل میں لے لیا۔

پاک فوج کے شعبہ تعلقات عامہ آئی ایس پی آر کے مطابق پاک آرمی نے بلوچستان میں کاہان کے علاقے چوٹھ کیمپ میں سرچ آپریشن کیا۔ کارروائی کے دوران گولہ بارود تحویل میں لے لیا گیا۔

سرچ آپریشن میں چھوٹی مشین گن کی 4 ہزار سے زائد گولیاں برآمد کی گی ہیں۔ 12.7 ایم ایم گن کے سینکڑوں راؤنڈز جبکہ 24 دستی بم بھی برآمد ہوئے۔

مزید پڑھیں: پاک فوج کی جانب سے عوام کے لیے ہاٹ لائن متعارف

ڈی جی آئی ایس پی آر میجر جنرل آصف غفور کا کہنا ہے کہ آپریشن رد الفساد کامیابی سے جاری ہے۔ خون کے آخری قطرے تک مادر وطن کے ایک ایک انچ کی حفاظت کریں گے۔ وطن دشمنوں کو منہ توڑ جواب دے رہے ہیں اور دیتے رہیں‌ گے.

دوسری جانب صوبہ خیبر پختونخواہ کے دارالحکومت پشاور میں بڈھ بیر کے علاقے سے 2 بھتہ خوروں کو گرفتار کرلیا گیا۔ محکمہ انسداد دہشت گردی کے مطابق گرفتار ملزمان تاجروں سے بھتہ مانگ رہے تھے۔

ادھر پنجاب کے شہر چنیوٹ میں بھی سی ٹی ڈی نے دریائے چناب سے متصل علاقے میں کارروائی کرتے ہوئے 2 مشکوک افراد گرفتار کرلیے۔ ملزمان سے بارودی مواد بھی برآمد ہوا جس کے بعد بم ڈسپوزل یونٹ کا عملہ طلب کرلیا گیا۔

Print Friendly, PDF & Email

Comments

comments

یہ بھی پڑھیں