آئی ایس پی آر نے عمران خان کے بیان پر ردعمل دیتے ہوئے کہا ہے کہ چیئرمین پی ٹی آئی کی جانب سے ادارے اور افسر کیخلاف الزامات ناقابل قبول ہیں۔
میڈیا کو جاری بیان میں آئی ایس پی آر نے کہا کہ پاکستان کی فوج ایک انتہائی پیشہ ور اور نظم وضبط کی حامل تنظیم ہے پاک فوج کا ایک مضبوط اور انتہائی مؤثر اندرونی احتسابی نظام ہے۔
آئی ایس پی آر کا کہنا ہے کہ وردی پوش اہلکاروں کے ذریعے غیرقانونی کارروائیوں کیلئےاحتسابی نظام موجود ہے مفاد پرستوں کے فضول الزامات سے فوجیوں کی عزت کو داغدار کیا جا رہا ہے ادارہ حسد سے اپنے افسروں اور سپاہیوں کی حفاظت کرے گا۔
آئی ایس پی آر کی عمران خان پر فائرنگ کے واقعے کی مذمت#ARYNews #ISPR pic.twitter.com/aN0elChdxu
— ARY NEWS (@ARYNEWSOFFICIAL) November 3, 2022
بیان کے مطابق ادارے پر لگائے گئے بےبنیاد الزامات انتہائی افسوسناک اور قابل مذمت ہیں کسی کو بھی ادارے یا افسران کی بےعزتی کی اجازت نہیں دی جائےگی حکومت سےدرخواست کی گئی ہےمعاملےکی تحقیقات کرے، حکومت ادارےاور افسر کیخلاف ہتک عزت پرقانونی کارروائی کرے اور جھوٹے الزامات کے ذمہ داروں کیخلاف قانونی کارروائی کرے۔
