تازہ ترین

وزیراعظم شہبازشریف کو امریکی صدر جو بائیڈن کا خط، نیک تمناؤں کا اظہار

واشنگٹن: امریکی صدر جو بائیڈن نے وزیر اعظم شہباز...

بابر اعظم کو دوبارہ قومی ٹیم کا کپتان بنانے کا فیصلہ ہو گیا

پاکستان کرکٹ بورڈ نے بابر اعظم کو ایک بار...

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

کشمیریوں سے اظہار یکجہتی ، آئی ایس پی آر نے 5 اگست کی مناسبت سے پرومو جاری کردیا

راولپنڈی : پاک فوج کی جانب سے 5 اگست یوم استحصال کی مناسبت سے نیا پرومو جاری کردیا، اس سے قبل ‘جا چُھوڑ دے میری وادی ‘ کے نام سے گانا ریلیز کیا گیا تھا۔

تفصیلات کے مطابق پاک فوج کے شعبہ تعلقات عامہ (آئی ایس پی آر) کی جانب سے  یوم استحصال کی مناسبت سے پرومو جاری کردیا، جس کے بول ‘ہر دِل کی آواز، دِل دِل کی آواز، پاکستان کی پُکار، کشمیری ہوں میں ، جا چُھوڑ دے میری وادی، لَب سی سی کر چُپ کر وائے، جتنا چاہے ہم چیخیں گے آزادی، جا چُھوڑ دے میری وادی’ ہے۔

اس سے قبل آئی ایس پی آر نے کشمیریوں کے حق خود ارادیت کے حوالے سے آئی ایس پی آر نے نیا نغمہ جاری کیا تھا، اس گانے کا ٹائٹل ہے ’جا چھوڑ دے میری وادی‘ جس میں پہلی بار کسی کشمیری کو مرکزی کردار کے طور پر پیش کیا گیا۔

مزید پڑھیں : مظلوم کشمیریوں کی چیخ، آئی ایس پی آر کا نیا نغمہ جاری

یہ گانا شفقت امانت علی نے گایا، جب کہ عمران رضا نے لکھا اور کمپوزیشن ساحر علی بگا نے دی، گانے کا آغاز کلاک کی آواز سے ہوتا ہے جو 365 دنوں کی یاد دلاتا ہے، 365 دنوں میں کشمیریوں کو بد ترین ریاستی دہشت گردی اور لاک ڈاؤن کا سامنا ہے۔

اس گانے کے ذریعے کشمیریوں کے اس عزم اور جذبے کا اظہار کیا گیا ہے کہ بھارت بینائی چھین سکتا ہے لیکن ہمارے خواب نہیں، وہ جذبہ آزادی کو مات نہیں دے سکتا۔

واضح رہے کہ مقبوضہ کشمیر 5 اگست 2019 سے بھارت کے غیر قانونی محاصرے میں ہے، مودی حکومت کی کشمیریوں کو کشمیر میں اقلیت بنانے کی کوشش جاری ہے، دوسری طرف مقبوضہ کشمیر کے رہائشی اقوام متحدہ کی قراردادوں پر عمل درآمد کے منتظر ہیں۔

پاکستان کی کشمیریوں کے لیے غیر متزلزل حمایت بھی جاری ہے، انسانی حقوق کی خلاف ورزیوں پر وزیر اعظم عمران خان کشمیریوں کے سفیر بھی بنے ہیں

Comments

- Advertisement -