سیالکوٹ سیکٹر میں ایک اور شہری بھارتی درندگی کا نشانہ بن گیا -
The news is by your side.

Advertisement

سیالکوٹ سیکٹر میں ایک اور شہری بھارتی درندگی کا نشانہ بن گیا

راولپنڈی: پاک فوج کے شعبہ تعلقاتِ عامہ کے ادارے (آئی ایس پی آر) نے کہا ہے کہ سیالکوٹ سیکٹر میں ایک اور پاکستانی شہری بھارتی درندگی کا نشانہ بن گیا۔

تفصیلات کے مطابق آئی ایس پی آر کا کہنا ہے کہ بھارتی فوج کی بلا اشتعال فائرنگ سے سیالکوٹ سیکٹر میں ایک اور پاکستانی شہری شدید طور پر زخمی ہو گیا۔

رینجرز نے فلیگ میٹنگ کا مطالبہ کر دیا

آئی ایس پی آر نے کہا کہ سکھیال گاؤں کا محمد حنیف بھارتی فائرنگ سے شدید زخمی ہوا، زخمی شہری کو سیالکوٹ سی ایم ایچ منتقل کر دیا گیا ہے۔

آئی ایس پی آر کے مطابق بھارتی بلا اشتعال فائرنگ پر رینجرز نے فلیگ میٹنگ کا مطالبہ کر دیا ہے، میٹنگ میں ورکنگ باؤنڈری پر سیز فائر کی خلاف ورزی کا معاملہ اٹھایا جائے گا۔

خیال رہے کہ رواں برس بھارت 150 سے زاید مرتبہ سیز فائر کی خلاف ورزی کر چکا ہے۔ دفترِ خارجہ نے اپنی ایک بریفنگ میں بتایا تھا کہ بھارت کی جانب سے مسلسل بھاری ہتھیار استعمال کیے جارہے ہیں۔


یہ بھی پڑھیں:  گجرات فسادات سے متعلق بھارتی فوجی جنرل کے چشم کشا انکشافات


بھارتی فوج نے لائن آف کنٹرول کے قریب وزیرِ اعظم آزاد کشمیر راجہ فاروق حیدر کے ہیلی کاپٹر پر بھی بلا اشتعال فائرنگ کی تھی لیکن خوش قسمتی سے کوئی جانی و مالی نقصان نہیں ہوا۔

Comments

comments

یہ بھی پڑھیں