امن کے دشمن اسرائیل کو ہزاروں معصوم جانیں لینے کے بعد بھی چین نہ آیا۔ جنگی جنون میں مبتلا اسرائیلی فوج نے جنوبی لبنان پر فضائی حملے شروع کر دیئے۔
اسرائیلی فوج نےجنوبی لبنان کے 3 علاقوں کے رہائشیوں کو انخلا کی دھمکی دی تھی۔
انخلا کے احکامات کے فوری بعد اسرائیلی فوج نے فضائی حملے شروع کر دیئے ہیں۔ نومبر 2024 کے جنگ بندی معاہدے کے باوجود اسرائیل کے حملےجاری ہیں۔
لبنانی حکام کا کہنا ہے کہ اسرائیلی فضائی حملوں میں جنوبی لبنان کے 2 قصبوں کو نشانہ بنایا گیا ہے نومبر میں جنگ بندی معاہدے کے باوجود اسرائیل روزانہ حملے کر رہا ہے، اسرائیلی حملے گنجان آبادی والے علاقوں پر خوف پیدا کرنے کیلئے ہیں۔
مقامی آبادی کا کہنا ہے کہ اسرائیل حملوں میں شدت لاکر علاقے پر قبضے کا ارادہ رکھتا ہے۔
اسرائیلی فوج نےجنوبی لبنان میں مزید انخلا کے احکامات جاری کر دیئے ہیں۔ فوج نے مخصوص عمارتوں کی سرخ رنگ میں نشاندہی کر کے نقشہ جاری کر دیا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں