تل ابیب: صہیونی ریاست اسرائیل کے وزیراعظم نیتن یاہو نے اپنی بے بسی کا اعتراف کرتے ہوئے الزام عائد کیا ہے کہ ایران مسلسل جوہری اسلحہ بنانے کی دھن میں مصروف ہے۔
تفصیلات کے مطابق اسرائیلی وزیراعظم نے کہا ہے کہ ایران کو جوہری پروگرام سے روکنا ان کے بس میں نہیں ہے، ایران مسلسل جوہری اسلحہ بنانے کی دھن میں مصروف۔
وزیراعظم نیتن یاہو نے ملک کے جنوبی علاقے میں واقع اسرائیل کے فضائی اڈے کے دورے کے موقع پر ذرائع ابلاغ سے بات چیت میں دھمکی دی کہ ہمارے پاس ایسے ایف 35ایس لڑاکا طیارے موجود ہیں جو ایران اور شام سمیت پورے مشرق وسطیٰ کو اپنی لپیٹ میں لینے کی سکت رکھتے ہیں۔
ذرائع ابلاغ کے مطابق انہوں نے کہا کہ ایران حالیہ دنوں میں اسرائیل کو صفحہ ہستی سے مٹانے کی باتیں کررہا ہے لیکن بہتر ہے کہ وہ پہلی ہماری قوت و طاقت جان لے۔
ایران کے یورینیم کی افزودگی کے اعلان کو اسرائیل نے بھی خطرناک قرار دے دیا
اسرائیلی وزیراعظم نیتن یاہو نے دعویٰ کیا کہ اسرائیلی فضائیہ پورے مشرق وسطیٰ کو اپنے نشانے پہ رکھنے کی صلاحیت کی حامل ہے۔
خیال رہے کہ یورپی ممالک کے بعد اسرائیل نے بھی ایران کی جانب سے یورینیم کی افزودگی کے اعلان کو خطرناک قرار دیا ہے۔
یاد رہے کہ ایران نے گزشتہ روز چند گھنٹوں میں 2015 میں عالمی طاقتوں سے کیے گئے معاہدے کے تحت یورینیم افزودہ کرنے کی حد سے تجاوز کرنے کا اعلان کیا۔
