The news is by your side.

Advertisement

اسرائیل کا شام پرمیزائلوں سے حملہ‘ 3 شامی فوجی زخمی

دمشق : شامی حکومت کا کہنا ہے کہ اسرائیلی فضائی حملوں میں اسلحے کے ڈپو کو نشانہ بنایا گیا جس کے نتیجے میں 3 فوجی زخمی ہوگئے۔

تفصیلات کے مطابق شام کے سرکاری میڈیا کا کہنا ہے اسرائیل نے دارالحکومت دمشق میں اسلحے کے ڈپو کو نشانہ بنایا جس میں 3 فوجی زخمی ہوئے جبکہ اسرائیل کے بیشترمیزائلوں کو فضا میں ہی تباہ کردیا گیا۔

اسرائیل نے اس کارروائی کی تصدیق نہیں کی، اسرائیلی فوج کا کہنا ہے کہ اس نے اپنا فضائی دفاع کا نظام نافذ کردیا ہے تاکہ شامی میزائلوں کو روکا جاسکے۔

شام کے سرکاری میڈیا کے مطابق لبنان کی فضائی حدود سے اسرائیلی طیاروں نے حملہ کیا۔

اسرائیل شام میں‌ کارروائیاں جاری رکھے گا‘ نیتن یاہو


یاد رہے کہ رواں سال سمتبر میں اسرائیلی وزیراعظم نیتن یاہو نے شام میں کارروائی جاری رکھنے کا عندیہ دیتے ہوئے کہا تھا کہ شام میں ایران کو مضبوط ہونے سے روکنے کے لیے کارروائی جاری رہے گی۔

اسرائیل کی فضائی کارروائی، شامی فوجیوں سمیت 23 افراد جاں بحق

واضح رہے کہ رواں سال مئی میں اسرائیلی فورسز نے شام میں فضائی کارروائی کی تھی جس کے نتیجے میں شامی فوجیوں سمیت 23 افراد جاں بحق ہوگئے تھے۔

Comments

comments

یہ بھی پڑھیں