لبنانی تنظیم حزب اللہ نے اعلان کیا ہے کہ وقت آنے پر اسرائیل کیخلاف کارروائی کے لیے تیار ہیں۔
نائب سربراہ حزب اللہ نعیم قاسم کا کہنا ہے کہ اسرائیل کیخلاف جنگ میں حماس کی مدد کیلئے مکمل تیاری ہے جب کارروائی کا وقت آئےگا تو ہم حصہ ڈالیں گے۔
لبنان اسرائیل سرحد پر کشیدگی بڑھ گئی۔ لبنان کی سرحد پر گزشتہ چند دنوں سے کشیدگی میں اضافہ ہو رہا ہے اور گزشتہ 24 سے 48 گھنٹوں کے دوران کئی ایمرجنسی الارم بھی سنے گئے ہیں۔
الجزیرہ کا کہنا ہے کہ ہمارے ذرائع کے مطابق جنگجوؤں نے سرحدی دیوار میں دھماکہ کیا اور اسرائیلی سرحد میں دراندازی کی جس پر جھڑپ ہوئی لیکن یہ نہیں معلوم ہو سکا کہ دونوں طرف سے کوئی مارا گیا یا نہیں۔
گزشتہ دنوں حزب اللہ نے اسرائیلی فوج سے لڑتے ہوئے اپنے 3 مجاہدین کی شہادت کی تصدیق کی تھی۔
