اسرائیلی وزیراعظم کی یہودی بستی تعمیر کرنے کی منظوری -
The news is by your side.

Advertisement

اسرائیلی وزیراعظم کی یہودی بستی تعمیر کرنے کی منظوری

یروشلم : اسرائیلی وزیراعظم نیتن یاہو نے سلامتی کونسل کی قرارد اد کو پس پشت ڈال کر مقبوضہ بیت المقدس میں یہودی بستی تعمیر کرنے کی منظوری دے دی۔

تفصیلات کےمطابق اسرائیلی وزیراعظم نیتن یاہو کی منظوری کے بعد اسرائیل کی جانب سے مقبوضہ مشرقی یروشلم میں یہودی بستی کی تعمیر کی منظوری کے بعد یہاں 566 مکانات تعمیر کیے جائیں گے۔

دوسری جانب امریکی صدر ڈونلڈ ٹرمپ اور اسرائیلی وزیر اعظم نیتن یاہو کے درمیان گزشتہ روز پہلی بار فون کے ذریعے بات چیت ہوئی ہے۔

اسرائیلی وزیر اعظم نیتن یاہو نے صدر ڈونلڈ ٹرمپ سے بات کرنے کے بعد کہا کہ امریکی صدر نے انہیں آئندہ ماہ ملاقات کے لیے امریکہ آنے کی دعوت دی ہے۔

خیال رہے کہ ٹرمپ نے اسرائیل کو حمایت کی یقین دہانی کرائی تھی اور اپنی مہم کے دوران کہا تھا کہ وہ یروشلم کو اسرائیل کا دارالحکومت تسلیم کریں گے۔

یاد رہےکہ اس یہودی بستی کی منظوری اسرائیلی وزیر اعظم بنیامین نیتن یاہو کی درخواست پر ملتوی کی گئی تھی کیونکہ اقوام متحدہ کی سلامتی کونسل کی جانب سے غربِ اردن میں غیر قانونی بستیوں کے قیام کے خلاف قرارداد کو منظور کیا گیا تھا۔

واضح رہےکہ سابق صدر براک اوباما کی انتظامیہ نے متعدد بار یہودی بستیوں کی تعمیر کو تنقید کا نشانہ بنایا تھا اور 23 دسمبر کو سیکیورٹی کونسل میں قرارداد پر ووٹنگ کو ویٹو نہیں کیا تھا۔

Comments

comments

یہ بھی پڑھیں