اسرائیل نے کینیڈا کے وزیر اعظم پر زور دیا ہے کہ وہ نیتن یاہو کی گرفتاری کے لئے کال پر دوبارہ غور کریں۔
اسرائیلی حکومت نے کینیڈا کے وزیر اعظم مارک کارنی سے مطالبہ کیا ہے کہ اگر وہ ملک کا دورہ کریں تو نیتن یاہو کے بین الاقوامی گرفتاری کے وارنٹ پر عمل کرنے سے متعلق اپنے فیصلے پر نظرثانی کریں۔
اسرائیلی حکومت کے ترجمان نے کہا کہ ہمیں یقین ہے کہ وزیر اعظم کارنی کو یقینا اس پر نظر ثانی کرنی چاہئے اور مشرق وسطی کے واحد یہودی ریاست اور جمہوری ملک کے رہنما نیتن یاہو کا کینیڈا میں خیرمقدم کرنا چاہئے۔
کینیڈین وزیراعظم مارک کارنی نے واضح کیا ہے کہ اسرائیلی وزیر اعظم نیتن یاہو کینیڈا آئے تو ان کو گرفتار کیا جاسکتا ہے۔
غیر ملکی ذرائع ابلاغ کے مطابق بلومبرگ کو انٹرویو میں کینیڈین وزیراعظم مارک کارنی کا کہنا تھا کہ آئی سی سی کے وارنٹ کو مدنظر رکھتے ہوئے اگر نیتن یاہو دورہ کرتے ہیں تو انہیں گرفتار کرلیں گے۔
انہوں نے مزید کہا کہ فلسطینی ریاست کو تسلیم کرنا، میری پالیسیوں کی ترجیح رہی ہے، دور یاستی حل ضروری ہے۔
دوسری جانب اقوام متحدہ میں پاکستان کے سابق مستقل مندوب منیر اکرم نے خدشہ ظاہر کیا کہ نیتن یاہو کوئی نہ کوئی بہانہ تلاش کرکے دوبارہ جنگ شروع کرے گا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں