فلسطینیوں کے خون کی پیاسی اسرائیلی فوج نے اپنے مظالم پر پردہ ڈالنے اور وحشیانہ حملوں سے ہونے والی تباہی کو دنیا سے چھپانے کے لیے صحافیوں، میڈیا ورکرز اور ذرائع ابلاغ سے وابستہ اداروں کے خلاف حملے تیز کر دیے۔
انٹرنیشنل میڈیا، نیوز ایجنسیز اور مقامی ذرائع ابلاغ کی عمارتوں کو تباہ کرنے کے بعد اسرائیل نے مقامی ریڈیو سے وابستہ نوجوان صحافی کو گھر پر بم برسا کر شہید کر دیا۔
اسرائیلی جیٹ طیاروں نے بدھ کی صبح شیخ ردوان کے علاقے میں رہائشی عمارتوں پر بمباری کی جس کے نتیجے میں چار افراد شہید ہوگئے جن میں ایک صحافی بھی شامل تھے۔
Latest updates: May 19
Israel continued to pound #Gaza in the early hours of Wednesday following Palestinian protests across cities during a historic general strike against Israeli occupation and bombardment.
Follow this thread for the latest https://t.co/SmwBKVksXw ⤵️ pic.twitter.com/tLLW2tJ1Sb
— Al Jazeera English (@AJEnglish) May 19, 2021
اہل خانہ کے مطابق یوسف ابو حسین کو اس وقت نشانہ بنایا گیا جب وہ فیملی کے ساتھ گھر پر موجود تھے۔ گھر پر ایک سے زائد بموں سے حملہ کیا گیا۔
شہید کے والد محمد ابو حسین نے بتایا کہ حملے کے وقت وہ بھی گھر پر موجود تھے لیکن وہ کسی طرح بچ گئے تاہم ان کا بیٹا حملے میں شہید ہوگیا۔
یوسف ابو حسین مقامی براڈ کاسٹ الاقصیٰ ریڈیو اسٹیشن سے وابستہ تھے اور عرصہ دراز سے پیشہ وارانہ فرائض انجام دے رہے تھے۔ الاقصیٰ ریڈیو اسٹیشن نے اپنے کارکن کی شہادت کی دکھ بھری خبر سناتے ہوئے بتایا کہ افسوسناک حملے میں وہ اپنے ایک دیرینہ ساتھی سے محروم ہوگئے ہیں۔
🇵🇸#فلسطين مقتل #الصحفي #الفلسطيني #يوسف_أبو_حسين جراء استهداف منزله في #حي_الشيخ_رضوان بقطاع #غزة. https://t.co/g96kXB6abl
— الاتحاد الدولي للصحفيين (@IFJ_AR) May 19, 2021
فلسطین میں اسرائیل کی وحشیانہ بمباری 10 روز سے جاری ہے ،غیرملکی میڈیا کا کہنا ہے کہ غزہ میں آج صبح اسرائیلی فورسز کی رہائشی عمارت پر بمباری کی گئی ، جس کے نتیجے میں 3فلسطینی شہید ہوگئے۔
غزہ میں بمباری سے 3مساجد بھی شہید ہوگئیں اور 40مکانات تباہ ہوئے ، وزارت صحت کا کہنا ہے کہ فلسطین میں اسرائیلی جارحیت سے شہید افراد کی تعداد 219 ہوگئی ہے، جن میں 63 بچے اور 35 خواتین بھی شامل ہیں۔
یاد رہے اقوام متحدہ کے ادارے ’کوارڈینیشن آف ہیومینیٹیرین افیئرز‘ کی ترجمان جینز لائرکے کہا تھا کہ مقبوضہ غزہ پر اسرائیلی بمباری کے نتیجے میں 52 ہزار سے زائد فلسطینی بے گھر ہوچکے ہیں جن میں سے 47 ہزار افراد نے 58 یو این اسکولوں میں پناہ لے رکھی ہے۔
