یروشلم : اسرائیلی فورسز نے ایک مرتبہ پھر نہتے فلسطینیوں پر دھاوا بول دیا، صیہونی فورسز کے حملے میں احتجاج کرنے والے متعدد نہتے فلسطینی زخمی ہوگئے۔
مقبوضہ فلسطین میں واقع مسلمانوں کے قبلہ اوّل مسجد اقصیٰ میں بعد نماز جمعہ نہتے فلسطینیوں نے پُر امن ریلی نکالی تو صیہونی فورسز نے سفاکیت کی انتہا کرتے ہوئے فلسطینیوں پر حملہ کردیا۔
فلسطینیوں کی جانب سے نماز جمعہ کے بعد اسرائیلی شدت پسندوں کی جانب سے منعقد کیے گئے مارچ میں اسلام اور اسلامی شعائر کی بے حرمتی اور توہین کے جواب احتجاجی ریلی کا انعقاد کیا گیا تھا۔
حریت کے علمبردار فلسطینیوں نے مسجد اقصیٰ کے صحن میں جمع ہوکر دمشق گیٹ کی طرف ریلی کا آغاز کیا تو بیت المقدس کے باب السلسلہ کے راستے میں ہی اسرائیلی فورسز آنسو گیس اور پلیٹ گنوں کے ساتھ مظاہرین پر ٹوٹ پڑی۔
Israeli forces stormed the Al-Aqsa Mosque compound on Friday, wounding Palestinians with stun grenades and rubber bullets, including journalists and a child.
Palestinians were protesting racist chants by Israeli settlers at a march in occupied East Jerusalem this week. pic.twitter.com/7tjoHKizTR
— AJ+ (@ajplus) June 18, 2021
آنسو گیس ، پیلٹ گن اورسنٹن گرنیڈز کے استعمال کے باعث متعدد فلسطینی زخمی ہوئے جن میں سے تین کی حالت تشویش ناک ہے جب کہ اسرائیلی فورسز نے مظاہرے میں شرکت کرنے والے دس فلسطینیوں کو گرفتار بھی کیا ہے۔
اسرائیلی فورسز کے ہاتھوں شہید ہونے والی فلسطینی نوجوان کے ہاں بیٹی کی ولادت
واضح رہے کہ تین روز قبل اسرائیل کے نئے وزیر اعظم نے عہدہ سنبھالا، اُسی رات اسرائیلی فورسز نے حماس کے ساتھ ہونے والے سیز فائر کے معاہدے کی خلاف ورزی کرتے ہوئے غزہ کی پٹی پر بم برسائے تھے۔
اسرائیلی فورسز نے غزہ کے علاوہ خان یونس پر بھی بم برسائے، جس کے نتیجے میں متعدد رہائشی عمارتیں ملبے کا ڈھیر بن گئیں تھیں۔