یروشلم: غزہ میں فلسطینیوں کے احتجاجی مظاہرے کے دوران اسرائیلی فوج کی فائرنگ سے4 فلسطینی شہید اور950 سے زائد زخمی ہوگئے۔
تفصیلات کے مطابق فلسطینیوں کی جانب سے جمعے کے روز کیے جانے والے احتجاجی مظاہرے پراسرائیلی فوج نے فائرنگ کی جس سے 3 فلسطینی شہید اور 950 سے زائد زخمی ہوگئے۔
فلسطینی وزارت صحت کے مطابق ہفتے کے روز فائرنگ سے زخمی ہونے والا ایک اور فلسطینی نوجوان شہید ہوگیا جس سے دو روز میں اسرائیلی فورسز کی فائرنگ سے شہید ہونے والوں کی تعداد 4 ہوگئی۔
میڈیا رپورٹس کے مطابق گزشتہ ماہ مارچ سے ہونے والے احتجاج میں اسرائیلی فورسز کی فائرنگ سے اب تک 45 فلسطینی شہید اور 6 ہزار سے زائد زخمی ہوچکے ہیں۔
خیال رہے کہ اسرائیلی فوج سرحد پرلگی باڑ کی دوسری جانب سے اسنائپرز کا استعمال کرتی ہے جبکہ فضائیہ کا بھی استعمال کیا جاتا رہا ہے۔
غزہ: اسرائیلی فوج کی فائرنگ سے 17 شہری شہید‘ 1500 زخمی
یاد رہے کہ گزشتہ ماہ 31 مارچ کو فلسطینی عوام کی جانب سے اسرائیلی بارڈر پر کیے جانے والے احتجاج پراسرائیلی فورسز کی شدید فائرنگ سے 17 شہری شہید جبکہ 1500 سے زائد زخمی ہوگئے تھے۔
واضح رہے کہ فلسطینیوں کی جانب سے اسرائیلی قبضے اور مقامی افراد کو بے دخل کرنے کے 70 سال پورے ہونے کے سلسلے میں احتجاجی مظاہرے کیے جا رہے ہیں اور 15 مئی کو وسیع پیمانے پرسرحدی باڑ کےساتھ احتجاج کرنے کی تیاری کررہے ہیں۔
خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔
