site
stats
عالمی خبریں

اسرائیلی فوج کی فائرنگ، ایک فلسطینی شہید، 35سے زائد زخمی

غزہ : فلسطین میں اسرائیل کے مظالم جاری ہیں، نہتے مظاہرین پراسرائیلی فوج کی فائرنگ سے ایک فلسطینی شہید اور پینتیس سے زائد زخمی ہوگئے۔

غیر ملکی ذرائع ابلاغ کے مطابق مغربی کنارے میں الفوار کیمپ میں اسرائیلی فوجی گاڑیوں کے داخلے کے خلاف احتجاج کرنے والے نہتے فلسطینیوں پر اسرائیلی فوجیوں نے گولیوں کی بوچھاڑ کردی۔

isreal-2

اسرائیلی فوجیوں کی گولیوں کا نشانہ بن کر سترہ سالہ فلسطینی نوجوان محمد ابو ہشاش شہید ہوگیا جبکہ پینتیس سے زائد مظاہرین زخمی ہوگئے۔

فلسطینی حکام کے مطابق ابو ہشاش کو سینے پر گولی لگی، جس سے وہ موقع پر ہی شہید ہوگیا۔

ریڈ کریسنٹ کا کہنا تھا کہ اسرائیلی فورسز نے کیمپ میں داخل ہو کر گولیاں چلائیں، جس سے 10 افراد زخمی ہوئے ، جس کے بعد سینکڑوں فلسطینی سڑکوں پر نکل آئے اور مظاہرہ کیا، اسرائیلی فوج نے مظاہرین پر بھی فائرنگ کردی، جس سے مزید 25زخمی ہوگئے ۔

isreal-1

اسرائیلی فورسز نے پنتیس افراد کو زخمی کر کے علاقے میں نوجوانوں کو حراست میں لینے کے لئے ایک بڑا سرچ آپریشن شروع کردیا گیا ہے جس میں ابتک درجنوں افراد کو گرفتار کیا جاچکا ہے۔

یاد رہے کہ گذشتہ سال سے مقبوضہ علاقے میں اسرائیلی تشدد کی نئی لہر کا نشانہ بن کر دو سو سے زائد فلسطینی شہید اورسیکڑوں زخمی ہوچکے ہیں جبکہ سرائیلی حکام کا دعویٰ ہے کہ اس دوران دو غیر ملکیوں سمیت 34 اسرائیلی فوجی بھی ہلاک ہوئے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top