کرپشن کےالزامات کی تحقیقات :پولیس اسرائیلی وزیراعظم کےگھرپہنچ گئی -
The news is by your side.

Advertisement

کرپشن کےالزامات کی تحقیقات :پولیس اسرائیلی وزیراعظم کےگھرپہنچ گئی

یروشلم : اسرائیلی وزیر اعظم بنیامن نیتن یاہو پر لگے کرپشن کے الزامات کی تفتیش کرنے کے لیے پولیس ان کے گھر پہنچ گئی۔

تفصیلات کےمطابق اسرائیلی وزیراعظم نے ایک بار اپنے اوپر لگائے گئے بدعنوانی کے تمام ترالزامات کو مستردکرتے ہوئے کہاکہ مخالفین کو خوش ہونے کی ضرورت نہیں کیونکہ ایسا کچھ نہیں ہے جیسا وہ سوچ رہے ہیں۔’

اسرائیلی وزارتِ انصاف کے مطابق ’وزیر اعظم سے کاروباری شخصیات سے فائدے حاصل کرنے کے حوالے سے پولیس سوالات کیے گئے۔‘

اسرائیلی وزیراعظم سے یروشلم میں ان کی رہائش گاہ پر پولیس کے3افسران نے تین گھنٹے تک تفتیش کی۔

خیال رہے کہ اسرائیلی وزیراعظم پر کاروباری شخصیات سےبڑے پیمانے پر تحائف وصول کرنے کے الزامات ہیں۔

مزید پڑھیں:اسرائیلی وزیر اعظم نیتن یاہو کے خلاف تحقیقات کا حکم

یاد رہےکہ نیتن یاہو کے حوالے سے حالیہ مہینوں میں سامنے آنے والے سکینڈلز پر ان کے مخالفین نے تحقیقات کا مطالبہ کیا تھا تاہم ان میں سے ایک پر بھی مقدمہ نہ چل سکا۔

واضح رہےکہ اسرائیلی وزیراعظم پر1لاکھ 27 ہزار ڈالرزبرطانیہ کے ایک دورے کے دوران حسب ضرورت ذاتی بیڈ روم پرخرچ کرنے کا الزام ہے۔

Comments

comments

یہ بھی پڑھیں