تل ابیب (29 جنوری 2026): اسرائیلی وزیراعظم نیتن یاہو کی ایک موبائل فون پر بات کرتے ہوئے تصویر نے سوشل میڈیا پر نئی بحث چھیڑ دی ہے۔
صہیونی ریاست اسرائیل کے وزیراعظم نیتن یاہو کی ایک ویڈیو سوشل میڈیا پر تیزی سے وائرل ہو رہی ہے، جس میں وہ اپنے موبائل فون پر کسی سے بات کر رہے ہیں تاہم ان کے فون کے کیمرے پر ٹیپ لگی ہوئی واضح نظر آ رہی ہے۔
العربیہ کے مطابق یہ تصویر اسرائیلی پارلیمنٹ کے باہر کے منظر نامے کی ایک تصویر ہے، جب وہ پارلیمنٹ کے اندر سے باہر آتے ہوئے ہاتھ میں ایک آئی فون تھامے کسی سے بات کرتے دکھائی دے رہے ہیں اور اس فون کے کیمرے ٹیپ سے چھپے ہوئے ہیں۔
اخبار نے مزید لکھا ہے کہ ٹیپ ہٹانے کی صورت میں اس پر واضح نشانات رہ جاتے ہیں، جس سے سیکیورٹی اہلکاروں کو یہ معلوم کرنے میں مدد ملتی ہے کہ کہیں کیمرا استعمال تو نہیں کیا گیا۔
نیتن یاہو کے معاملے میں ٹیپ لگانے کا مقصد حساس مقامات میں تصویر کشی کا خوف نہیں ہے، بلکہ اس کا مقصد فون کے ہیک ہونے اور دور بیٹھے کسی ہیکر کی جنب سے کیمرے کو استعمال کرنے کے امکان سے بچنا اور تحفظ فراہم کرنا ہے۔
⚡️Israel PM Netanyahu uses a phone covered with tapes hiding cameras. pic.twitter.com/7PoTsXv9MK
— Suppressed News. (@SuppressedNws1) January 27, 2026
واضح رہے کہ اسرائیل میں عام طور پر حساس عہدوں پر فائز اعلیٰ حکام معلومات کے لیک ہونے کے ڈر سے چینی فونز کے استعمال سے گریز کرتے ہیں اور وہ ’ایپل‘ کمپنی کے فونز استعمال کرتے ہیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں