غزہ : امریکہ کی جانب سے یروشلم کو اسرائیل کا دارالحکومت تسلیم کرنے کے خلاف احتجاجی مظاہرین پراسرائیلی فورسز کی فائرنگ سے 4 فلسطینی جاں بحق جبکہ 160 افراد زخمی ہوگئے۔
تفصیلات کے مطابق یروشلم کو اسرائیل کا دارالحکومت تسلیم کرنے کے خلاف غزہ، مغربی کنارے، بیت الحم اور دیگر علاقوں میں ہزاروں فلسطینی سڑکوں پر نکل آئے اور امریکی صدر کے خلاف احتجاج کیا۔
اسرائیلی فورسز کی فائرنگ سے 4 فلسطینی شہید جبکہ 160 افراد زخمی ہوگئے، شہید ہونے والوں میں ویل چیئر پراحتجاج میں شریک 29 سالہ ابراہیم ابو تریاب بھی شامل ہے۔
امریکا نے یروشلم کو اسرائیلی دارالحکومت تسلیم کرلیا
دوسری جانب اسرائیلی فوج کے ترجمان نے فلسطینیوں کی جانب سے احتجاجی مظاہرے کی تصدیق کی تاہم فائرنگ سے شہید ہونے والے ابراہیم ابو تریاب کے حوالے سے تبصرہ کرنے سے انکارکردیا۔
خیال رہے کہ ابراہیم ابو تریاب 2008 میں اسرائیل کی جانب سے داغے گئے میزائلوں کے حملے میں اپنی دونوں ٹانگیں کھو چکے تھے۔
غزہ: اسرائیلی فوج کا حملہ،7 فلسطینی شہید،14زخمی
یاد رہے کہ 31 اکتوبرکو اسرائیلی فوج نے آپریشن کے دوران فائرنگ کرکے 7 فلسطینیوں کو شہید جبکہ 14 کو زخمی کردیا تھا۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔
Comments
- Advertisement -
