site
stats
اہم ترین

استنبول میں بم دھماکہ، 7 پولیس اہلکاروں سمیت 11 افراد جاں بحق

استنبول: ترکی کے شہر استنبول میں ایک پولیس بس کے قریب دھماکے میں 7 پولیس اہلکاروں سمیت 11 افراد جاں بحق ہوگئے۔

غیر ملکی خبر رساں ادارے کے مطابق دھماکہ ضلع ویزنیجیلر میں ہوا۔ دھماکے میں 36 افراد زخمی بھی ہوئے۔ دھماکے کا ہدف پولیس کی بس تھی۔ دھماکے کے بعد امدادی کارروائیاں جاری ہیں جبکہ سیکیورٹی فورسز نے علاقے کو گھیرے میں لے لیا ہے۔

ترکی میں پولیس اسٹیشن کے قریب دھماکہ، 13 افراد زخمی *

انقرہ میں کار بم دھماکہ، 18 افراد جاں بحق *

دھماکے میں چند قریبی عمارتوں اور قریب کھڑی گاڑیوں کو بھی نقصان پہنچا۔ تاحال کسی نے واقعے کی ذمہ داری قبول نہیں کی۔

ترکی کی شامی علاقے میں داعش کے خلاف کارروائی، 55 دہشت گرد ہلاک *

واضح رہے کہ ترکی شام اور عراق میں داعش کے خلاف کارروائیوں میں اتحادیوں کا ساتھی ہے جس کے باعث ترکی بھی دہشت گردی کے نشانے پر آچکا ہے۔ رواں برس ترکی کے مختلف شہروں میں کئی بم دھماکے ہوچکے ہیں جن میں پولیس اہلکاروں سمیت درجنوں افراد جاں بحق و زخمی ہوچکے ہیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top