اسلام آباد: پاکستان اکانومی واچ کے چیئرمین برگیڈئیر ریٹائرڈ محمد اسلم خان نے کہا ہے کہ حکومت کی جانب سے ایف بی آر میں اصلاحات کے فیصلے کی بھرپور حمایت کرتے ہیں۔
تفصیلات کے مطابق اپنے ایک بیان میں محمد اسلم کا کہنا تھا کہ حکومت کے اس فیصلے سے معیشت میں نئی جان پڑ جائے گی۔
انہوں نے کہا کہ اس فیصلے کے بعد ٹیکس گزاروں کی شکایات کا ازالہ ہوگا جبکہ بیرونی قرضوں پر انحصار کم ہو جائے گا۔
- Advertisement -
ان کا کہنا تھا کہ ایف بی آر کو پالیسی سازی کے عمل کے دور کرنا اور اس کا کردار ٹیکس جمع کرنے تک محدود کرنا کاروباری برادری کا دیرینہ مطالبہ تھا۔
چیئرمین پاکستان اکانومی واچ کا کہنا تھا کہ ہمارے مطالبے پر اب عمل ہو گیا ہے، اس سے بزنس کمیونٹی کا اعتماد بڑھے گا
ان کا مزید کہنا تھا کہ ٹیکس کے متعلق پالیسی سازی اب ٹیکس پالیسی بورڈ کرے گا، جس سے شفافیت بڑھے گی۔
