The news is by your side.

Advertisement

100 دنوں میں1900 شہریوں کا انتقال کر جانا تکلیف دہ بات ہے، اسد عمر

اسلام آباد: وفاقی وزیر منصوبہ بندی اسد عمر نے کہا ہے کہ 100 دنوں میں1900 شہریوں کا انتقال کر جانا تکلیف دہ بات ہے۔

تفصیلات کے مطابق وفاقی دارالحکومت اسلام آباد میں وفاقی وزیر اسد عمر نے میڈیا بریفنگ کے دوران بتایا کہ ہم ایسے علاقے میں رہتے ہیں جہاں کرونا اتنا مہلک نہیں ہے،پاکستان میں 10لاکھ میں صرف9 افراد کا انتقال ہوا۔

انہوں نے کہا کہ ہم نے وبا کے پھیلاؤ کو روکناہے،اتنا روکنا ہے کہ شعبہ صحت مفلوج نہ ہو،وبا کو روکنے کے خلاف احتیاطی تدابیر پر عمل سب سے زیادہ اہم ہے،ہمیں خود سے ان احتیاطی تدابیر پر عمل کرنا ہوگا۔

اسد عمر کا کہنا تھا کہ کابینہ میں فیصلہ ہوا احتیاطی تدابیر پر عمل نہ ہو تو کارروائی کی جائے،حکومت کے کندھوں پر21 کروڑ پاکستانیوں کی صحت کی بھاری ذمے داری ہے،ہم چاہتے ہیں کہ سب کی زندگی کا پہیہ چلتا رہے۔

وفاقی وزیر نے مزید کہا کہ 100 دنوں میں1900 شہریوں کا انتقال کر جانا تکلیف دہ بات ہے۔

ملک میں کورونا کے 4ہزار734 نئے کیس رپورٹ، مزید 97 اموات

واضح رہے کہ ملک بھر میں 24 گھنٹوں کے دوران کورونا وائرس سے مزید 97 افراد انتقال کرگئے جبکہ اسی دوران4734نئے کیسز رپورٹ ہوئے۔

Comments

یہ بھی پڑھیں