The news is by your side.

Advertisement

اطالوی کمپنی نے ایرانی تیل بردار جہاز سے تیل لینے سے انکار کردیا

روم/ واشنگٹن: اٹلی کی پٹرولیم کمپنی ”اینی“نے عراق کےنام پر ایرانی خام تیل لانے والے ایک تیل بردار بحری جہاز کو داخلے سے روک دیا۔

امریکی اخباروال اسٹریٹ جرنل کے مطابق مذکورہ تیل بردار جہاز صقلیہ کی میلاٹزو نامی ایک آئل ریفائنری کےلئے تیل لے کرجا رہا تھا۔وائٹ مون نامی جہاز پر لائبیریا کا پرچم لہرا رہا تھا۔

اطالوی کمپنی اینی کا کہنا ہے کہ جس تیل بردار جہاز کے لیے اس نے عراق کےساتھ ٹھیکہ کیا تھا اس کی یہ شناخت نہیں تھی۔کمپنی اینی کے ترجمان نے کہا کہ تیل بردار جہاز کی دستاویزات سے واضح ہوتا ہے کہ مذکورہ تیل بردار جہاز نائیجیریا کی “Oando PLC” کمپنی سے خریدا گیا تھا مگر یہ معلوم نہیں یہ وہی جہاز ہے جسے عراق کی طرف سے بھیجا جانا تھا یا کوئی اور ہے۔

یاد رہے کہ ایران کی طرف سے دوسرے ملکوں کے ناموں کے ساتھ تیل بردار جہاز روانہ کرنا امریکا کی طرف سے تہران پر عاید کردہ اقتصادی پابندیوں کو غیرموثر بنانے کی کوشش ہے۔ ایران عراقی حکومت کے اداروں کے اندر داخل ہو کر بغداد کے سیاسی اور سیکیورٹی اداروں میں اپنا اثرو نفوذ بڑھانے کے ساتھ انہیں اپنے تیل کی فروخت کےلئے استعمال کررہا ہے۔

امریکا نے مئی کے اوائل میں ایرانی تیل کی عالمی منڈی میں خریدو فروخت پر مکمل پابندی لگادی تھی۔ اس سے قبل امریکا کی طرف سے آٹھ ملکوں کو ایران سے تیل خرید کرنے کی اجازت تھی۔اٹلی کی اینی کمپنی نے گذشتہ برس اکتوبر میں امریکی پابندیوں کے خطرے سے بچنے کے لیے ایرانی خام تیل کی خریداری بند کردی تھی۔

Comments

comments

یہ بھی پڑھیں