The news is by your side.

Advertisement

اٹلی میں شدید زلزلے سے متعدد عمارتیں کھنڈربن گئیں

روم : اٹلی میں اتوار کو6.6 اعشاریہ زلزلے کے شدید جھٹکے محسوس کیے گئے جس میں نوافراد زخمی اور متعدد عمارتیں کھنڈر بن گئیں۔

تفصیلات کےمطابق اٹلی کے وسطی شہر نورسیہ کے قریب زلزلے کے شدید جھٹکے محسوس کیے گئے یہ زلزلہ مقامی وقت کے مطابق صبح پونے آٹھ بجے کے قریب آیا۔

i-1

خیال رہے کہ اتوار کے روز آئے اس زلزلے کی ریکٹر سکیل پر شدت 6.6 بتائی گئی ہے جو کہ اگست میں آنے والے زلزلے سے زیادہ ہے۔زلزلے سے تباہ ہونے والی عمارتوں سے نو افراد کو زخمی حالت میں باہر نکالا گیا ہے۔

i-2

امریکی جیولوجیکل سروے کے مطابق اس زلزلے کا مرکز صوبہ پیروگیا کے وسط سے تقریباً 68 کلومیٹر جنوب مشرق میں نورسیہ کے قصبے کے پاس تھا۔

i-3

مزید پڑھیں: اٹلی زلزلہ، ملبے تلے دبے افراد کی زندہ بچ جانے کی امیدیں دم توڑگئیں

زلزلے کے جھٹکے دارالحکومت روم اور وینس میں بھی محسوس کیے گئے ہیں۔امریکی جیولوجیکل سروے کے مطابق زلزلے کی گہرائی ایک اعشاریہ پانچ کلومیٹر تھی۔

i-4

واضح رہےکہ اٹلی میں دو ماہ قبل آنے والے زلزلے میں کئی قصبے تباہ اور 300 سے زیادہ افراد ہلاک ہوگئے تھے۔

i-5

Comments

comments

یہ بھی پڑھیں