The news is by your side.

Advertisement

چارمرتبہ عالمی چیمپیئن رہنے والی اٹلی فٹبال ٹیم ورلڈ کپ سے باہر

روم : فٹبال کی چار مرتبہ کی عالمی چیمپئن اٹلی کی ٹیم دوہزار اٹھارہ ورلڈ کپ سے باہر ہوگئی، اطالوی ٹیم کے کپتان بوفون نے ریٹائرمنٹ کا اعلان کردیا۔

تفصیلات کے مطابق فٹبال کی دنیا کا سب سے بڑا اپ سیٹ، چار مرتبہ کی ورلڈ چیمپئن رہنے والی اطالوی ٹیم کو جھٹکا لگ گیا، عالمی چیمپیئن اٹلی کی ٹیم 60 برس بعد روس میں شیڈول فیفا ورلڈ کپ فٹ بال ٹورنامنٹ 2018کے فائنلز میں جگہ بنانے میں ناکام رہی۔

ورلڈ کپ کوالیفائنگ راؤنڈ کے دوسرے لیگ میں سوئیڈن سے مقابلہ برابر ہونے پر اٹلی کی ٹیم دوہزار اٹھارہ ورلڈ کپ سے باہر ہوگئی۔

میچ میں مقررہ وقت تک کوئی ٹیم گول نہ کرسکی، سوئیڈن نے پہلے لیگ میں ایک گول کی برتری کے ساتھ میگا ایونٹ میں جگہ بنالی۔

اٹلی ٹیم نے انیس سو چونتیس ،انیس سو اڑتیس، انیس سو بیاسی اور دوہزار چھ میں میں فٹبال ورلڈ کپ جیتا تھا، اٹلی انیس سو اٹھاون کے بعد پہلی مرتبہ میگا ایونٹ کیلئے کوالیفائی نہیں کرسکا۔

جب ریفری نے سیٹی بجا کر میچ کے اختتام کا اعلان کیا تو اسٹیڈیم میں موجود 74ہزار طالوی شائقین پر سکتہ طاری ہو گیا، ورلڈ کپ میں کوالیفائی نہ کرنے پر اطالوی ٹیم کے کپتان اور دنیا کے معروف گول کیپر بوفون نے ریٹائرمنٹ کا اعلان کردیا۔

Print Friendly, PDF & Email

Comments

comments

یہ بھی پڑھیں