بھارت کو عبرتناک شکست دینے سے قبل گرین شرٹس کو گلی کی ٹیم کہنے والے بھارتی اداکار نے کوہلی الیون کی ناقص کارکردگی دیکھ کر ٹیم کو باقی میچز ہارنے کا مشورہ دے دیا۔
بھارتی فلم انڈسٹری سے وابستہ اداکار کمال راشد خان نے پاکستان کرکٹ ٹیم کو پاک بھارت میچ سے قبل ٹوئٹر پر تنقید کا نشانہ بناتے ہوئے ‘جوہو کی گلیوں کی کرکٹ ٹیم سے تشبیہ دی تھی’۔
کمال راشد خان نے اب اپنی ہی ٹیم کو باقی میچز ہارنے کا مشورہ دے ڈالا، تاکہ نیوزی لینڈ کو آئی سی سی ایونٹ سے باہر کیا جاسکے۔
انہوں نے اپنے ٹوئٹ میں کہا کہ ‘بھارت پہلے ہی آئی سی سی ٹی 20 ورلڈ کپ 2021 سے باہر ہوگیا ہے لہٰذا اب بھارت کو نیوزی لینڈ کو سیمی فائنل سے باہر کرنے کے لیے جان بوجھ کر باقی کے 3 میچ ہارنے چاہئیں’۔
بھارتی اداکار نے کہا کہ ‘بھارتی ٹیم کے اس اقدام سے جیتنے والی چھوٹی ٹیموں کو بھی خوشی ملے گی’۔
India is already out of #ICCT20WorldCup2021 so Now India should lose all 3 matches purposely to keep #NewZealand out of semifinal. And those 3 small teams will get happiness also.
— KRK (@kamaalrkhan) October 31, 2021
پاکستانی ٹیم کو گلی کی ٹیم کہنے پر بھارتی اداکار نے معافی مانگ لی
خیال رہے کہ پاکستان کے ہاتھوں تاریخی شکست کے بعد گزشتہ روز بھارت سورما نیوزی لینڈ سے بھی 8 وکٹوں سے ہار گئے ہیں۔