واشنگٹن : امریکی صدر ڈونلڈ ٹرمپ کی بیٹی ایوانکا نے سعودی خواتین کو ڈرائیونگ کی اجازت ملنے کے فیصلے پر مبارک باد پیش کرتے ہوئے کہا کہ سعودی خواتین کیلئے تاریخی دن ہے۔

تفصیلات کے مطابق امریکی صدر ٹرمپ کی بیٹی ایوانکا ٹرمپ نے سماجی رابطے کی ویب سائٹ ٹوئٹر پر اپنے پیغام میں سعودی فرماں رواں کی جانب سے خواتین کو کار چلانے کی اجازت دینے کے حکم پر خوشی کا اظہار کرتے ہوئے سعودی خواتین کیلئے تاریخی دن قرار دیا ۔

1:2 Today was a historic day for women in Saudi Arabia as a decree was announced to lift the ban on women drivers. #SaudiArabia

— Ivanka Trump (@IvankaTrump) September 27, 2017

ایوانکا نے اپنے ٹوئٹ میں مزید کہا کہ سعودی حکومت نے درست سمت میں ایک اہم قدم اٹھایا ہے۔

خیال رہے کہ سعودی حکومت کی جانب سے خواتین کو ڈرائیونگ کی اجازت کے فیصلے کو بہت سراہا جارہا ہے۔

مزید پڑھیں : سعودی عرب میں خواتین کو گاڑی ڈرائیونگ کرنے کی اجازت مل گئی

یاد رہے کہسعودی عرب میں خواتین کو ڈرائیونگ کی اجازت دے دی گئی ہے، شاہی فرمان کے تحت اگلے سال سے خواتین کو بھی مردوں کی طرح ڈرائیونگ لائسنسز کا اجرا کیا جائے گا۔

حکم نامےکےتحت سعودی عر ب میں خواتین اگلے برس جون سے سڑکوں پر گاڑی چلاسکیں گی۔

واضح رہے کہ سعودی عرب میں انیس سو نوےسےخواتین کی ڈرائیونگ پر پابندی عائد تھی۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔