تازہ ترین

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

نام وَر مزاح گو شاعر سیّد محمد جعفری کا یومِ وفات

آج اردو زبان کے مزاح گو شاعر سید محمد جعفری کا یومِ وفات ہے۔ وہ 7 جنوری 1976ء کو کراچی میں وفات پاگئے تھے۔

27 دسمبر 1905ء کو متحدہ ہندوستان کے علاقے بھرت پور کے ایک ذی علم گھرانے میں پیدا ہونے والے سیّد محمد جعفری کم عمر تھے جب ان کے والد سیّد محمد علی جعفری کو ملازمت کی غرض سے لاہور منتقل ہونا پڑا۔ یوں سید محمد جعفری کا بچپن اور تعلیم و تربیت لاہور میں ہوئی۔

قیامِ پاکستان کے بعد سید محمد جعفری کو مرکزی محکمہ اطلاعات میں اہم منصب پر فائز کردیا گیا۔ اسی دوران ایران میں بحیثیت پریس اور کلچرل اتاشی خدمات انجام دینے کا موقع ملا۔

سید محمد جعفری ایک صاحبِ اسلوب شاعر تھے۔ ان کی سیاسی اور سماجی موضوعات پر نظمیں مقبول ہوئیں۔ وہ کلاسیکی شاعری کو خوب جانتے تھے۔ انھوں نے غالب اور اقبال کے مصرعوں کی تضمین کی ہے۔ انھیں اردو کا ایسا مزاح گو شاعر کہا جاتا ہے جس کا اسلوب ہی مزاحیہ شاعری میں‌ اس کی پہچان بن گیا۔

سید محمد جعفری کی وفات کے ان کے دو شعری مجموعے شوخیِ تحریر اور تیرِنیم کش شایع ہوئے۔

Comments

- Advertisement -