The news is by your side.

Advertisement

شہری کی ہلاکت، پولیس کے ہاتھوں گرفتار اتائی کا جرگے میں فیصلہ!

جیکب آباد میں ایم پی اے ڈاکٹر سہراب سرکی کی زیرصدارت جرگہ ہوا جس میں شہری کی موت کے ذمے دار اتائی پر 14 لاکھ روپے جرمانہ عائد کیا گیا۔

اے آر وائی نیوز کے مطابق جیکب آباد میں  رکن سندھ اسمبلی ڈاکٹر سہراب سرکی کی زیرصدارت جرگہ منعقد ہوا جس میں غلط انجکشن سے شہری کی موت کے معاملے پر فیصلہ کیا گیا۔

جرگے میں اتائی پر مریض درمحمد کو غلط انجکشن لگانے کا جرم ثابت ہونے پر 14 لاکھ روپے جرمانہ عائد کیا گیا۔

جرگے نے جرمانے میں سے 2 لاکھ روپے موقع پر ہی معاف کردیے۔

شہری کی موت کا واقعہ چند روز قبل پیش آیا تھا، اتائی کے غلط انجکشن لگانے کے باعث درمحمد مرہٹو کی موت واقع ہوگئی تھی۔

پولیس نے واقعے کے بعد مقدمہ درج کرکے ملزم اتائی یعقوب نوناری کو گرفتار بھی کیا تھا۔

واضح رہے کہ قوانین ہونے کے باوجود ملک بھر میں اتائی سرگرم اور لوگوں کی جانوں سے کھیل رہے ہیں۔

مزید پڑھیں: ملتان میں اتائی ڈاکٹر کی مبینہ غلط دوائی تین بچوں کی جان لے گئی

گزشتہ سال بھی ملتان میں اتائی کی غلط دوا سے 3 بچے زندگی کی بازی ہار گئے تھے۔

پولیس نے اتائی کو گرفتار کرکے اس کے کلینک کو سیل بھی کیا تھا۔

Comments

یہ بھی پڑھیں