جیکب آباد میں پولیس اہلکاروں کا رکشا ڈرائیور پر وحشیانہ تشدد -
The news is by your side.

Advertisement

جیکب آباد میں پولیس اہلکاروں کا رکشا ڈرائیور پر وحشیانہ تشدد

جیکب آباد : پولیس اہلکاروں نے رکشا ڈرائیور کی سر بازار دھلائی کردی۔ اہلکاروں نے رکشے والے کو مار مار کراس کے کپڑے تک پھاڑ دیئے۔

تفصیلات کے مطابق جیکب آباد میں پولیس گردی کی انتہا ہوگئی۔ مطابق جیکب آباد کے بانو بازار کے اندر رکشا کو جانے کی اجازت نہیں ہے لیکن بعض بدمعاش اہلکار بازار میں رکشے کے داخلے کے عوض ڈرائیوروں سے رقم لیتے ہیں۔


[email protected] – 17th June 2016 by arynews

اس رکشا ڈرائیور نے ان کی جیب نہ بھری جس پر مشتعل ہوکر ان پولیس اہلکاروں نے دن دہاڑے ایک غریب رکشا ڈرائیور کی دھلائی کردی، وردی والوں نے بھر ے بازار میں نہتے رکشے والے کو مار مار کر بے حال کردیا۔

ڈنڈے چلائے۔ کپڑے پھاڑ دیئے۔ اپنے ہتھیار سے بھی رکشے والے پر تشدد کیا۔ شہری خاموش تماشائی بنے پولیس اہلکاروں کو تشدد کرتے دیکھتے رہے۔ پولیس اہلکاروں کا تعلق جیکب آباد سٹی تھانے سے ہے۔

Comments

comments

یہ بھی پڑھیں