بالی ووڈ اداکارہ جیکولین فرنینڈس کی آنکھ خراب ہوگئی Jacqueline Fernandez
The news is by your side.

Advertisement

بالی ووڈ اداکارہ جیکولین فرنینڈس کی ایک آنکھ خراب ہوگئی

ممبئی: سری لنکن نژاد بھارتی حسینہ بالی ووڈ اداکارہ جیکولین فرنینڈس کی ایک آنکھ مستقل طور پر خراب ہوگئی۔

بھارتی میڈیا رپورٹس کے مطابق اداکارہ نے انکشاف کیا ہے کہ مارچ کے ماہ میں وہ فلم کی شوٹنگ میں مصروف تھیں کہ اچانک ان کی آنکھ میں چوٹ لگ گئی تھی۔

اداکارہ جیکولین نے بہت ہی کم عرصے میں اپنی جاندار اداکاری کی بدولت بالی ووڈ میں اپنی جگہ بنائی اور ان دونوں وہ سلمان خان کے ہمراہ ریس 3 کی پروموشن میں مصروف ہیں، اداکارہ فلم میں مختلف اسٹنٹس کرتی ہوئی نظر آئیں گی۔

جیکولین فرنینڈس نے آنکھ سے متعلق تصویر اپنے انسٹاگرام اکاؤنٹ پر شیر کی جس میں دیکھا جاسکتا ہے کہ ان کی آنکھ کی پتلی ٹیڑھی دیکھی جاسکتی ہے۔

جیکولین کا کہنا تھا کہ ان کی آنکھ کی پتلی مستقل طور پر ٹیڑھی ہوچکی ہے، جو اب کبھی صحیح نہیں ہوگی پر وہ شکر کررہی ہیں کہ وہ اس انجری کے بعد بھی دیکھ سکتی ہیں۔

فلم ریس تھری جیکولین کی سلمان خان کے ساتھ یہ دوسری فلم ہے اس سے قبل اداکارہ نے دبنگ خان کے ساتھ فلم کک میں مرکزی کردار ادا کیا تھا۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں