site
stats
پاکستان

اینکرارشدشریف کودھمکیاں دینےکی مذمت کرتاہوں ‘جہانگیرترین

Jahangir Khan Tareen

اسلام آباد : پاکستان تحریک انصاف کے رہنما جہانگیر ترین کا کہنا ہے کہ اینکرارشدشریف کودھمکیاں دینےکی مذمت کرتاہوں، نوازشریف اس قسم کی دھمکیاں دلوانا بند کردیں۔

تفصیلات کے مطابق پاکستان تحریک انصاف کے رہنما جہانگیر ترین نے سماجی رابطے کی ویب سائٹ ٹویٹر پراپنے پیغام میں کہا کہ اینکرارشدشریف کو دھمکیاں دینے کی مذمت کرتا ہوں۔

تحریک انصاف کے رہنما جہانگیر ترین نے کہا کہ ارشد شریف نےاداروں کی تباہی کے خلاف جنگ کاعلم اٹھایا ہے،انہوں نے کہا کہ نوازشریف اس قسم کی دھمکیاں دلوانا بند کردیں۔


ارشدشریف کو پیمرا دفتر میں آئی بی افسر کی دھمکی


یاد رہے کہ دو روزقبل اے آر وائی نیوز کے اینکر ارشدشریف کو پیمرا دفتر میں پاکستان الیکٹرانک میڈیا ریگولیٹری اتھارٹی (پیمرا)کی شکایات کونسل کے سامنے آئی بی افسر نے دھمکی دی تھی ۔


نوازشریف نے37اراکین پارلیمنٹ کیخلاف آئی بی کو متحرک کیا، انکشاف


یاد رہے کہ پروگرام ’پاور پلے‘ میں مورخہ 25،27ستمبر 2017 کو نشر ہونے والی ایک رپورٹ میں انکشاف کیا تھا کہ نوازشریف نے حکومت پر تنقید کرنے والے سینتیس اراکین پارلیمنٹ کیخلاف انٹیلی جینس بیورو (آئی بی) سے چھان بین کروائی۔

رپورٹ کے مطابق آئی بی نے دس جولائی2017کو اس وقت کے وزیر اعظم نواز شریف کے حکم پرایک رپورٹ مرتب کی جس میں37 پارلیمنٹینز کے نام شامل ہیں جن کے کالعدم دہشت گرد تنظیموں سے نہ صرف رابطے ہیں بلکہ ان سے لین دین اور ناجائز سرگرمیوں میں بھی ملوث ہیں۔

واضح رہے کہ پاکستان تحریک انصاف کے چیئرمین عمران خان نے ارشدشریف کو پیمرا دفترمیں آئی بی افسر کی دھمکی کی مذمت کرتے ہوئے کہا تھا کہ اس عمل سے مسلم لیگ ن کا فاشسٹ چہرہ سامنے آگیا۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top