The news is by your side.

Advertisement

این اے 122: میاں برادران گھربیٹھ کر لوگوں پر دباؤ ڈال رہے ہیں،جہانگیر ترین

ملتان : پاکستان تحریک انصاف کے مرکزی رہنما جہانگیر خان ترین نے کہا کہ خان صاحب نے حلقہ این اے 122 کا ایک دورہ کیا۔

نوازشریف شہباز شریف اور حمزہ شریف گھر بیٹھ کر لوگوں پر دباؤ ڈال رہے ہیں، ن لیگ پوری میدان میں آگئی ہے۔

ان خیالات کا اظہار انہوں نے گیلانی ہاؤس میں اسد مرتصیٰ گیلانی کی رسم قل خوانی میں شرکت کے بعد میڈیا سے گفتگو کرتے ہوئے کیا۔

انہوں نے کہا کہ سانحہ منیٰ پر جتنا افسوس کیا جائے وہ کم ہے تمام مسلمان دکھ سے لبریز ہیں، حکومت سانحہ منیٰ کے بعد شہداء کے لواحقین کو معلومات دینے اور سنبھالنے میں ناکام رہی ہے۔

انہوں نے کہا کہ 154 میں مخالف میدان چھوڑ کر بھاک گئے ہیں گھروں میں چھپ گئے انہیں دوبارہ میدان میں لائیں گے۔

جہانگیر خان ترین نے کہا کہ عوام نے فیصلہ کرلیا ہے 11 اکتوپر کو بلے پر مہر لگائیں گے، 122 میں کمپیئن بہتر ہے تیاریاں بھر پور ہیں۔

ان کا کہنا تھا کہ 122 میں تمام سرکاری مشینری ن لیگ کے امیدار کو سپورٹ کر رہی ہے جو ضابطہ اخلاق کی خلاف ورزی ہے 11 اکتوبر کو ان کو شکست دیں گے۔

انہوں نے کہا کہ ضابطہ اخلاق کی خلاف ورزی کسی بھی قسم کی ہوں برداشت نہیں اس پر الیکشن کمیشن کو فوری نوٹس لینا چاہیئے۔

Print Friendly, PDF & Email

Comments

comments

یہ بھی پڑھیں