site
stats
پاکستان

نواز شریف کو حساب دینا ہو گا، جہانگیر ترین

ملتان : پاکستان تحریک انصاف کے رہنما جہانگیرترین نے کہا ہے کہ نوازشریف کو پیسےاورجائیداد کاحساب دیناپڑےگا، عدالتوں سے وقت مانگ کر معاملے کو لٹکایا نہیں جا سکے گا۔

تفصیلات کے مطابق تحریکِ انصاف کے رہنما جہانگیر ترین ملتان میں کارکنان کے اعزاز میں منعقد تقریب سے خطاب کر رہے تھے تقریب میں دھرنے کے دوران پولیس کے ہاتھوں گرفتاری اور تشدد کے دوران ثابت قدم رہنے والے کارکنان میں تعریفی انعامات بھی تقسیم کیے گئے۔

انہوں نے کہا کہ سات ماہ سے تلاشی یا احتساب نہ دینے والے اب بھی عدالت سے وقت مانگ رہے ہیں وہ سمجھتے ہیں کہ اس طرح کی حرکت کر کے وہ معاملے کو دبا دیں گے اور کچھ عرصے بعد لوگ بھول جائیں گے ۔

لیکن نواز شریف اور ان کے حواری جان لیں کہ تحریک انصاف یہ معاملہ ٹھنڈا ہونے نہیں دے گی اور تلاشی یا احتساب لیے بغیر چین سے نہیں بیٹھیں گے یہ ملک کے وقار اور بقا کی جنگ ہے۔

انہوں نے امید ظاہر کی کہ سپریم کورٹ جلد پانامہ کیس کی سماعت مکمل کرلے گی اور عوام کرپٹ حکمرانوں سے نجات حاصل کر پائیں گے اُس دن ملک میں حقیقی جمہوریت قائم ہو گی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top