بیٹے کے پاسپورٹ پر خاتون کا دبئی کا سفر، ایف آئی اے افسران برطرف -
The news is by your side.

Advertisement

بیٹے کے پاسپورٹ پر خاتون کا دبئی کا سفر، ایف آئی اے افسران برطرف

لاہور : بیٹے کے پاسپورٹ پر خاتون دبئی پہنچ گئی، واقعہ پر وزیر داخلہ نے نوٹس لیتے ہوئے ایف آئی اے افسران کو برطرف کردیا۔

تفصیلات کے مطابق بیٹے کے پاسپورٹ پر خاتون نے دبئی کا سفر کرلیا۔ گزشتہ روز لاہور ایئرپورٹ سے ایک خاتون مسافر اپنے شوہر کے ہمراہ برطانوی پاسپورٹ پرقومی ایئرلائن کے ذریعے دبئی پہنچیں تو دبئی امیگریشن حکام نے ان کا پاسپورٹ جو ان کے بیٹے کا تھا دیکھ کر واپس روانہ کردیا، اور پی آئی اے پر جرمانہ بھی کردیا۔

خبر ملنے پر وزیر داخلہ چوہدری نثٓار نے نوٹس لے لیا شدید ردعمل کا اظہار کرتے ہوئے متعلقہ افسران کیخلاف کارروائی کا حکم دیا۔

وزیر داخلہ کے حکم پر ذمہ دار ایف آئی اے افسران کو تحقیقات کے بعد برطرف کردیا گیا۔ وزیر داخلہ چوہدری نثار کہا ہے کہ ایف آئی اے بغیر جانچ پڑتا ل کسی کو سفر کرنے کی اجازت نہ دے چاہے وہ کوئی بھی ہو۔

ان کا کہنا تھا کہ اس بات کو یقینی بنایا جائے کہ پی آئی اے کا عملہ غلطی یا کوتاہی کرے تب بھی ایف آئی اے کا عملہ کسی ایسے مسافر کو سفر کرنے کی اجازت نہ دے جس کی جانچ پڑتا ل میں کوئی کمی ہو۔

Comments

comments

یہ بھی پڑھیں