The news is by your side.

Advertisement

مبینہ پولیس مقابلے میں ہلاک نوجوانوں کے اہل خانہ کا لاش رکھ کرمظاہرہ

کراچی : گلستان جوہر میں ہونے والے مبینہ پولیس مقابلے میں ہلاک ہونے والے دو نوجوانوں کے اہل خانہ پریس کلب کے سامنے سراپا احتجاج ہیں، مظاہرین نے متوفی اشرف کی لاش سڑک پر رکھ کر مظاہرہ کیا۔

تفصیلات کے مطابق جمعرات اور جمعہ کی درمیان شب گلستان جوہر میں مبینہ پولیس مقابلے میں جاں بحق ہونے والے اشرف کے اہلخانہ نے کراچی پریس کلب کے باہر لاش رکھ کر احتجاج کیا۔

اس موقع پر لواحقین نے میڈیا کو بتایا کہ پولیس اسٹیشن کے پولیس افسر میر محمد لاشاری نے دیگر اہلکاروں کے ساتھ مل کر موٹر سائیکل سوار اشرف اورعلی اکبر کو کاغذات کے بہانے روکا اوربعد ازاں دونوں کو لے جاکر ان کو جعلی پولیس مقابلے مین ہلاک کردیا، جس کی اطلاع بعد میں گھر والوں کی دی گئی۔

متوفیان کے اہل خانہ کا مؤقف ہے کہ دونوں نوجوان بے گناہ تھے، جن پر پولیس اہلکاروں نے فائرنگ کی، فائرنگ سے زخمی ہونے والا اشرف آج دوران علاج دم توڑگیا۔

دونوں نوجوان گلستان جوہر میں ایک مزار سے واپس جارہے تھے، لواحقین نے اعلیٰ حکام سے انصاف کی فراہمی کا مطالبہ کیا ہے، ان کا کہنا ہے کہ واقعے میں ملوث پولیس افسران واہلکاروں کو گرفتار کرکے قرار واقعی سزا دی جائے۔

Print Friendly, PDF & Email

Comments

comments

یہ بھی پڑھیں