کوئٹہ : وزیراعلیٰ بلوچستان جام کمال خان نے کہا ہے کہ صحت کی سہولتوں کی فراہمی ترجیحات میں شامل ہیں۔
تفصیلات کے مطابق کوئٹہ میں گڈنی سینٹر میں گردوں کے عالمی دن کی مناسبت سے تقریب سے خطاب کرتے ہوئے وزیراعلیٰ بلوچستان جام کمال خان نے کہا کہ کینسر اور امراض قلب کے اسپتالوں پر کام جاری ہے۔
وزیراعلیٰ بلوچستان نے کہا کہ صحت کی سہولتوں کی فراہمی ترجیحات میں شامل ہیں، صحت کی سہولتوں پر کوئی سمجھوتہ نہیں کیا جائے گا۔
جام کمال خان نے تقریب سے خطاب کرتے ہوئے کہا کہ اپوزیشن کا کام حکومت پر تنقید کرنا ہے۔
گردوں کے امراض سے بچاؤ کا عالمی دن آج منایا جارہا ہے
واضح رہے کہ پاکستان سمیت دنیا بھر میں آج گردوں کا عالمی دن منایا جارہا ہے۔ دنیا بھر میں اس وقت 85 کروڑ افراد گردوں کے مختلف امراض کا شکار ہیں۔
گردوں کا عالمی دن منانے کا مقصد گردوں کے امراض اور ان کی حفاظت سے متعلق آگہی وشعور پیدا کرنا ہے۔ یہ دن ہر سال مارچ کی دوسری جمعرات کو دنیا بھر میں منایا جاتا ہے۔ رواں برس یہ دن ’گردوں کی صحت، ہر جگہ سب کے لیے‘ کے عنوان سے منایا جارہا ہے۔
