کراچی: صوبائی وزیر بلدیات جام خان شورو کا کہنا ہے کہ ایم کیوایم دورمیں واٹر بورڈ اور کے ایم سی میں 43 ہزارغیر قانونی بھرتیاں ہوئی تھیں،جبکہ ہم غیر قانونی بھرتی اور گھوسٹ ملازمین کے خلاف گرینڈ آپریشن کر رہی ہیں.
تفصیلات کے مطابق صوبائی وزیر بلدیات جام خان شورو کا کہنا ہے کہ سابق صدر پرویزمشرف دور میں ایم کیو ایم کو300 ارب روپے ملے تھے،تاہم انہوں نے پانی،ماس ٹرانزیٹ اور صفائی کاایک بھی منصوبہ نہیں بنایا.
مزید پڑھیں:ایم کیو ایم کی جانب سے کراچی میں صفائی مہم کا آغاز
جام خان شورو نے الزام عائد کیا کہ ایم کیوایم کے ہی دور حکومت میں زمینوں پر قبضے ہوئے تھے، جن پر سیکٹرز اور یونٹس کے دفاتر قائم کئے گئے تھے، یہ ہی نہیں بلکہ ایم کیوایم دورمیں ہی واٹر بورڈ اور کے ایم سی میں43 ہزارغیر قانونی بھرتیاں ہوئی تھیں.
واضح رہےکہ صوبائی وزیر بلدیات جام خان شورو نےایم کیو ایم کے خلاف چارج شیٹ پیش کرتے ہوئے کہا کہ اسی دور میں واٹر بورڈ اور کے ایم سی جیسے اداروں کو مفلوج بنا دیا گیا تھا.
اے آر وائی نیوز کی ڈیجیٹل ڈیسک کی جانب سے شائع کی گئی خبریں