The news is by your side.

Advertisement

حقوق کراچی تحریک : شہر بھر میں آج 50 مقامات پر دھرنے دیئے جائیں گے

کراچی: جماعت اسلامی نے آج شہر کی 50 مختلف مقامات پر دھرنوں کا اعلان کردیا ، احتجاجی دھرنے شام 4 بجے سے رات گئےتک جاری رہیں گے۔

تفصیلات کے مطابق جماعت اسلامی کے زیراہتمام حقوق کراچی تحریک میں آج 50 مقامات پر دھرنے دیے جائیں گے ، دھرنوں کی تیاریاں اور انتظامات مکمل ہیں، حافظ نعیم الرحمان ودیگر خطاب کریں گے۔

ترجمان جماعت اسلامی کا کہنا ہے کہ دھرنےشام 4بجےسےرات گئےتک جاری رہیں گے، دھرنے حیدری، ناظم آباد،ناگن چورنگی،نارتھ ناظم آباد، لیاقت آباد نمبر10،عائشہ منزل چورنگی اور واٹرپمپ چورنگی پر ہوں گے۔

امیرجماعت اسلامی کراچی حافظ نعیم مختلف مقامات کا دورہ اور خطاب کریں گے۔

امیرجماعت اسلامی کراچی حافظ نعیم الرحمان نے دھرنوں سےقبل اہم پیغام میں کہا ہے کہ حق کوچھینناپڑےگا،پلیٹ میں رکھ کرکوئی نہیں دے گا، اب سوچنے سمجھنے کا وقت گیا، کراچی والوں کومتحدہوکرنکلنا پڑے گا۔

نعیم الرحمان کا کہنا تھا کہ دوسرےآگےنکل گئے،صرف ہم پیچھے رہ گئے، شہرکھنڈربن گیا، کراچی کےجوانوں کابھی ملازمتوں پرحق ہے، صرف آن لائن کھانوں کی فراہمی کراچی کے نوجوانوں کا مقدرنہیں۔

امیرجماعت اسلامی نے کہا کہ ہرشہری ،ہرزبان والےکی گنتی کرو،کراچی کی مردم شماری درست کرو، حکمرانوں سےکوئی امیدنہیں یہ اپنے مفاد کے لیے سمجھوتہ کرلیتے ہیں۔

Comments

یہ بھی پڑھیں