The news is by your side.

کراچی کی میئر شپ کے لئے سیاسی روابط میں تیزی، جماعت اسلامی کا وفد پی ٹی آئی آفس پہنچ گیا

کراچی : میئر کراچی کے انتخاب کے معاملے پر حافظ نعیم کی قیادت میں جماعت اسلامی کا وفد پی ٹی آئی آفس پہنچ گیا، وفد کی علی زیدی و دیگر پی ٹی آئی رہنماؤں سے ملاقات ہوگی۔

تفصیلات کے مطابق میئر کراچی کے انتخاب کے معاملے پر سیاسی روابط میں تیزی آگئی ، جماعت اسلامی کا وفد آج پی ٹی آئی سندھ کے صدر علی زیدی سے ملاقات کرے گا۔

حافظ نعیم کی قیادت میں جماعت اسلامی کا وفد پی ٹی آئی آفس پہنچ گیا، جہاں پی ٹی آئی رہنماؤں بلال غفار، ارسلان تاج اور راجہ اظہر نےوفدکا استقبال کیا۔

وفد کی علی زیدی و دیگر پی ٹی آئی رہنماؤں سے ملاقات ہوگی ، جماعت اسلامی کے وفد میں اسامہ رضی، مسلم پرویز بھی شامل ہیں۔

اس حوالے سے ک انصاف کے رہنما فردوس شمیم نقوی نے کہا کہ جماعت اسلامی کا وفد حافظ نعیم کی قیادت میں آج پی ٹی آئی سندھ ہاوٴس پہنچے گا، ہم دل سے۔خوش آمدید کرتے ہیں۔

فردوس شمیم نقوی کا کہنا تھا کہ بہت اچھی بات ہے کہ حافظ نعیم صاحب ہر پارٹی کا موقف جان رہے ہیں سب سے مل کر، ہمیں کراچی والوں کی فکر ہے ہم ایسی جماعت کا ساتھ نہیں دیں گے جو اپنے مفاد کے لئے کراچی حاصل کرنا چاہے۔

رہنما پی ٹی آئی نے کہا کہ اس شہر کی بدحالی کے ذمہ دار وہ جماعت ہے جو اقتدار میں آئے ، اس سے جماعت اسلامی کے لیے فیصلہ کرنے میں آسانی ہو جائے گی کہ کون دل سے سنجیدہ ہے۔

ان کا کہنا تھا کہ جو کراچی کو لیکر سنجیدہ ہے ہم اس جماعت کا ساتھ دیں گے، ورنہ ماموں بھانجے کے رشتے میں ایک آدھی جماعت کراچی کو کسی لائق نہیں چھوڑے گی،جو بھی شہر کراچی کے لئے بہتر ہوگا ہم وہی بات کریں گے۔
.

Comments

یہ بھی پڑھیں