The news is by your side.

Advertisement

جمادی الاوّل کا چاند نظر آنے کا نوٹی فکیشن جاری

اسلام آباد: وزارتِ مذہبی امور نے ملک بھر میں جمادی الاوّل کا چاند نظر آنے کا نوٹی فکیشن جاری کردیا۔

اے آر وائی نیوز کے مطابق جمادی الاوّل کا چاند دیکھنے کے لیے رویت ہلال کمیٹی کا اجلاس ہوا، جس میں ملک کے مختلف ممالک سے شہادات موصول ہونے کے بعد قمری کلینڈر کے نئے ماہ کے آغاز کا اعلان کیا گیا۔

رویت ہلال کمیٹی کی جانب سے جاری اعلامیے کے مطابق  جمادی الاول کاچاند نظر آ گیا، اس اعتبار سےپاکستان میں یکم جمادی الاول1443ہجری پیر 6 دسمبر کو ہوگی۔

رویت ہلال کمیٹی کے اعلان کے بعد وزارت مذہبی امور نے اسلامی ماہ کے آغاز کے حوالے سے نوٹیفکیشن بھی جاری کردیا ہے۔

ماہ جمادی الاول کی فضیلت

ماہ جمادی الاولیٰ اسلامی سال کا پانچواں قمری مہینہ ہے، یہ نہایت بزرگ اورفضیلت والا مہینہ ہے، اس ماہ مبارک میں بھی عبادت کی خاص فضیلت بیان کی گئی ہے جس کے صلے میں نیکیوں کا شمار کرنا ناممکن ہے۔

یہ مہینہ عربی زبان کے دولفظوں ’’جمادی‘‘اور’’الاولیٰ‘‘سے مرکب اور ان دو الفاظ کا مجموعہ ہے۔ جمادی کے معنی جم جانا، خشک ہونا ہے۔

عربی میں عین جمادی اس آنکھ کو کہا جاتا ہے جس سے آنسو نکلنا بالکل بند ہوچکے ہوں اور اولیٰ پہلی کو کہتے ہیں۔ یہ مہینہ ان دنوں میں واقع ہوا جن دنوں موسم سرما کی شدت کی وجہ سے پانی جمنے کا آغازہوتا ہے۔

Comments

یہ بھی پڑھیں